اقش-تاعى سيراكۋز ۋنيۆەرسيتەتىنىڭ ماڭىندا ەرەكشە اعاش وسەدى. ونىڭ ءبىر عانا ءدىڭى بار, بىراق بۇتاقتارىنان ورىك, شيە, شابدالى, بادام, قارا ورىك سياقتى قىرىققا جۋىق ءتۇرلى جەمىس ءوسىپ شىعادى.
اعاشتىڭ بۇتاقتارى كوكتەمدە ءارتۇرلى ۋاقىتتا گۇلدەيدى. بۇل – پروفەسسور سەم ۆان ايكەننىڭ ون جىلعا جۋىق جاساعان ەڭبەگىنىڭ ناتيجەسى. ول 2008 جىلى ەسكى جەمىس باعى بار جەر تەلىمىن ساتىپ الىپ, بەس جىل بويى جالعىز ءبىر اعاشقا ءتۇرلى جەمىس اعاشتارىنىڭ بۇتاقتارىن بۋدانداستىرۋ ارقىلى «قىرىق جەمىس اعاشى» اتتى ەرەكشە جوبانى ىسكە اسىرعان.