نيۋ-يورك ۋنيۆەرسيتەتىنىڭ زەرتتەۋشىلەرى نەاندەرتال ادامداردىڭ 120 مىڭ جىلدان 60 مىڭ جىلعا دەيىنگى ارالىقتا شىعىس ەۋروپادان التايعا دەيىن قونىس اۋدارۋ جولدارىن كومپيۋتەرلىك مودەلدەۋ ارقىلى انىقتادى.
عالىمدار سول داۋىردەگى جەر بەدەرى, وزەن اڭعارلارى, مۇزدىقتار مەن كليمات جاعدايلارىن ەسكەرە وتىرىپ, 3 250 شاقىرىمداي جولدى 2000 جىل ىشىندە ءجۇرىپ ءوتۋ مۇمكىندىگىن ەسەپتەگەن. مودەلگە سايكەس, نەاندەرتالدار سولتۇستىك باعىتپەن ورال مەن وڭتۇستىك ءسىبىر ارقىلى وزەن بويىمەن جۇرگەن. بۇل جولدار سول كەزەڭدەگى ارحەولوگيالىق ەسكەرتكىشتەرمەن سايكەس كەلەدى.