ادامزات تالايدان بەرى عالامدىق جىلىنۋدىڭ سالدارىن سەزىنىپ كەلەدى. كليمات وزگەرىپ, اپتاپ ىستىق جيىلەپ, مۇزدىقتار ەرىپ جاتىر. وسىنداي ساتتە بريتاندىق عالىمدار جەردى سالقىنداتۋدىڭ توسىن ءارى تاڭعالارلىق ءتاسىلىن ۇسىندى.
زەرتتەۋشىلەر مۇحيت تۇزىن اۋاعا شاشۋ ارقىلى كۇن ساۋلەسىن كەرى قايتارماقشى. «Reflect» اتتى عىلىمي جوبانىڭ ماقساتى – تەڭىز ۇستىندەگى بۇلتتاردىڭ جارىقتىعى مەن شاعىلىستىرعىشتىعىن ارتتىرۋ. ول ءۇشىن ارنايى قۇرىلعىلار ارقىلى تەڭىز تۇزىنىڭ ۇساق بولشەكتەرى اۋاعا شاشىلادى. بولشەكتەر بۇلتتاردىڭ قۇرامىنا قوسىلىپ, ولاردى «اعارتۋعا» سەپ بولادى. اق بۇلتتار كۇن ساۋلەسىن كوبىرەك شاعىلىستىرىپ, جەر بەتىنە تۇسەتىن جىلۋ مولشەرىن ازايتادى دەگەن ەسەپ بار. عالىمدار زەرتحانالىق جاعدايدا جانە اشىق تەڭىزدە تاجىريبە جۇرگىزۋدى جوسپارلاپ وتىر.