امەريكالىق «Paradromics» ستارتاپى «Connexus» اتتى مي يمپلانتىن العاش رەت ادامعا ءساتتى ورناتتى.
وپەراتسيا نەبارى 20 مينۋتقا سوزىلعان. قۇرىلعى ميدىڭ سيگنالدارىن تىركەپ, كەيىن قايتادان قاۋىپسىز جولمەن الىنىپ تاستالدى. چيپ جاساندى ينتەللەكت ارقىلى نەيرون سيگنالدارىن ناقتى تاپسىرماعا اينالدىرعان. وسى ارقىلى ينسۋلت نە جاراقاتتان كەيىن سويلەۋ مەن قوزعالىس قابىلەتىن جوعالتقان ادامدارعا وي ارقىلى بايلانىس جاساۋعا كومەكتەسۋگە بولادى. قازىر جوبا اۆتورلارى ءچيپتى كلينيكالىق سىناقتان وتكىزۋگە دايىندالىپ جاتىر.