امەريكالىق «Nucleus Genomics» كومپانياسى ەكو ارقىلى بالا سۇيۋگە نيەتتى اتا-انالارعا ارنالعان جاڭا دنق-تالداۋ باعدارلاماسىن ۇسىندى. تەحنولوگيا بىردەن 20 ەمبريوننىڭ گەنەتيكالىق ءپروفيلىن سارالاپ, 900-دەن استام تۇقىم قۋالايتىن اۋرۋدى انىقتايدى.
قۇرىلعى ءتىپتى بولاشاق بالانىڭ بويىن, كوز بەن شاشىنىڭ ءتۇسىن, «IQ» دەڭگەيىن, پسيحيكالىق بۇزىلىسقا بەيىمدىلىگىن دە بولجاي الادى. ناتيجەنى اتا-انالارعا گەنەتيك ماماندار ءتۇسىندىرىپ بەرەدى. جوبانىڭ نەگىزىن قالاۋشى كيان سادەگي جۇيەنى تۋىسقانى گەنەتيكالىق دەرتتەن قازا بولعاننان كەيىن ويلاپ تاپقان. ول بۇل سكرينينگتى ادام ءومىرىن ۇزارتۋدىڭ جاڭا ءادىسى رەتىندە ۇسىنىپ وتىر.