تيمۋر رىسپەكوۆ – MIT دەڭگەيىندەگى جاس عالىم. 13 جاسىندا ءوزىنىڭ العاشقى ستارتابىن جۇزەگە اسىرىپ, ەلىمىزدىڭ 100 جاڭا ەسىمى قاتارىنا ەنگەن.
ول 3 جاسىنان باستاپ ماتەماتيكاعا قىزىققان. سول كەزدە-اق كوبەيتۋ كەستەسىن جاتقا بىلگەن. كەيىن 7-سىنىپتا ءوز جوبالارىن قولعا الىپ, عىلىمي جۇمىستارمەن اينالىسا باستاعان. كەيىن ماسساچۋسەتس تەحنولوگيالىق ينستيتۋتىندا قاشىقتان ءبىلىم الادى. بۇل – الەمدەگى ەڭ بەدەلدى ۋنيۆەرسيتەتتەردىڭ ءبىرى. جاس ونەرتاپقىشتىڭ ەرەكشە قابىلەتى مەن ويلاۋ جۇيەسىنىڭ اۋقىمدىلىعىنا الەمدىك دەڭگەيدەگى الپاۋىتتار – «Microsoft» پەن «NASA» نازار اۋدارىپ, تيمۋردى ءوز جوبالارىنا قاتىسۋعا شاقىرعان.