ويلاڭىزشى, كوشەدە كەلە جاتىرسىز. الدىڭىزدا بيىك عيمارات. كوزىلدىرىگىڭىزدى شەشپەي-اق سول عيماراتقا قارادىڭىز – كوز الدىڭىزدا ءاپ-ساتتە اقپاراتتار پايدا بولادى: «بۇل – ورتالىق كىتاپحانا. 3-قاباتتا – بالالار ءبولىمى. قازىر اشىق. ىشىندە 12 ادام بار. Wi-Fi تەگىن». كينوداعىداي, ءيا؟ بىراق ەندى بۇل قيال ەمەس.
قىتاي مەن اقش فيزيكتەرى بىرىگىپ, فوكۋسى اۆتوماتتى تۇردە وزگەرەتىن لينزاسى بار جاڭا قۇرىلعى جاساپ شىعاردى. مەتاقۇرىلعى ادامنىڭ كورۋ اۋقىمىندا ءارتۇرلى قاشىقتىقتا تۇرعان نىسانداردى انىق ءارى بۇلدىراتپاي كورسەتۋگە مۇمكىندىك بەرەدى. ەڭ باستىسى – بۇرىنعىداي ۇلكەن, كۇردەلى جابدىقتار قاجەت ەمەس. كوزىلدىرىك نەمەسە جەڭىل قۇرىلعى ارقىلى-اق سۋپەرماركەتكە كىرمەي تۇرىپ جەڭىلدىكتەردى, عيماراتتىڭ سىرتىنا قاراپ قانداي مەكەمە ەكەنىن, اۆتوبۋستىڭ قايدا باراتىنىن بىلۋگە بولادى.