قازاقستان رەسپۋبليكاسى ءىىم ۇلتتىق ۇلانىنىڭ اسكەري قىزمەتشىلەرى مەن باتىس قازاقستان وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ №28 مەكەمەسى قىزمەتكەرلەرى كۇزەتىلەتىن اۋماققا تىيىم سالىنعان زاتتاردى وتكىزبەك بولعان ارەكەتتىڭ جولىن كەستى. اسكەري قىزمەتشىلەردىڭ قىراعىلىعى ارقاسىندا 11 تەلەفون مەن وعان كەرەكتى قوسىمشا قۇرالدار, فلەش-كارتالار دىتتەگەن جەرىنە جەتپەدى, دەپ حابارلايدى Egemen.kz.
ولار جوسپارلى تەكسەرىس كەزىندە رەنتگەن قۇرىلعىسىنىڭ كومەگىمەن كىر جۋاتىن ۇنتاقتىڭ اراسىندا باسقا زاتتار جاسىرىلعانىن انىقتادى. زاڭبۇزۋشىلىقتى ەڭ الدىمەن 5517 اسكەري ءبولىمىنىڭ باقىلاۋشى مامانى سەرجانت جاننات حاليلوۆا بايقاعان.
سويتسە, كىر جۋعىش ۇنتاق سالىنعان قاپتامانىڭ ىشىندە 11 ۇيالى تەلەفون, 7 جۇپ سىمسىز قۇلاققاپ, 30 دانا سىمدى قۇلاققاپ, 1 دانا سمارت-ساعات, 1 دانا فلەش-كارتاعا ارنالعان اداپتەر, 3 دانا فلەش-كارتا, 13 USB شنۋرى, 4 دانا قۋاتتاعىش قۇرىلعى شىققان. ودان بولەك قىزىل ءتۇستى ەرەكشە ءيىسى بار سۇيىقتىق قۇيىلعان ءبىر قۇتى تابىلدى, ونىڭ نە نارسە ەكەنىن انىقتاۋ ءۇشىن ساراپتاما تاعايىندالدى.
ء«بىزدىڭ اسكەري قىزمەتشىلەر مەن تۇزەۋ مەكەمەسى ماماندارىنىڭ ۇيلەسىمدى ءارى كاسىبي ءىس-ارەكەتى ارقاسىندا تىيىم سالىنعان زاتتاردى مەكەمە اۋماعىنا وتكىزبەي, جولىن كەستىك. قازىرگى ۋاقىتتا بۇل فاكت بويىنشا تەكسەرۋ جۇرگىزىلىپ جاتىر» دەپ حابارلادى «ۇلتتىق ۇلاننىڭ» ءباسپاسوز قىزمەتى.
باتىس قازاقستان وبلىسى