قىتايدىڭ «Baidu» كومپانياسى جاساندى ينتەللەكت نەگىزىندە جانۋارلاردىڭ سەزىمىن انىقتاپ, ونى ادام تىلىنە اۋداراتىن ەرەكشە جۇيە ويلاپ تاپتى.
جاڭا تەحنولوگيا 2024 جىلدىڭ جەلتوقسانىندا پاتەنتتەلىپ, جاقىندا رەسمي تۇردە جاريالاندى. جۇيە جانۋاردىڭ داۋىسىن, قيمىلىن, فيزيولوگيالىق بەلگىلەرىن تالداپ, ونىڭ كوڭىل كۇيىن انىقتايدى. سوسىن بۇل اقپارات ماشينالىق وقىتۋ مەن تابيعي ءتىل وڭدەۋ ارقىلى ادامعا تۇسىنىكتى فورمادا جەتكىزىلەدى. ەگەر جۇيە بىلمەيتىن دىبىستى ەستىسە, ونى بەلگىلەپ الادى. كەيىن دىبىس زەرتتەلىپ, قۇرىلعىعا تۇسىندىرىلەدى.