جەڭىستىڭ 80 جىلدىعىنا وراي باتىس قازاقستان وبلىسىنا قازاقستان رەسپۋبليكاسى ىشكى ىستەر مينيسترلىگىنىڭ ارداگەرى, گەنەرال-لەيتەنانت بەكسۇلتان سارسەك ۇلى باستاعان «گەنەرالدار كەڭەسى» ارنايى ساپارمەن كەلدى, دەپ حابارلايدى Egemen.kz.
دەلەگاتسيا قۇرامىندا گەنەرال-مايورلار ماحامبەت مۇستافا قاناپيا ۇلى, وتارباەۆ شايمۋرات شاۋكەت ۇلى, سەراليەۆ الىبەك بولاتوۆيچ, بيتيموۆ ءومىرتاي ماكاش ۇلى, راحيمجانوۆ تولەگەن شايمەردەن ۇلى بار.
مارتەبەلى مەيماندار ورال قالاسىنداعى جەڭىس الاڭىندا بقو پوليتسيا دەپارتامەنتىنىڭ جەكە قۇرامىمەن بىرگە ساپ تۇزەپ, ماڭگىلىك الاۋعا گۇل شوعىن قويدى. ەكىنشى دۇنيەجۇزىلىك سوعىستا ەرلىك پەن باتىرلىقتىڭ سيمۆولىنا اينالعان بوزداقتار رۋحىنا تاعزىم ەتتى.
سالتاناتتى ءراسىم كەزىندە گەنەرال-لەيتەنانت بەكسۇلتان سارسەك ۇلى بقو پوليتسيا دەپارتامەنتىنىڭ باستىعى, پوليتسيا پولكوۆنيگى ارمان ورازاليەۆتى جانە ورال قالاسىنىڭ اكىمى مۇرات بايمەنوۆتى كەڭەس وداعىنىڭ باتىرى, حالىق قاھارمانى, ارميا گەنەرالى ساعادات نۇرماعامبەتوۆتىڭ ەستەلىك توسبەلگىسىمەن ماراپاتتادى.
شارا سوڭىندا پوليتسيا دەپارتامەنتىنىڭ جەكە قۇرامى سالتاناتتى ساپ تۇزەپ, شەرۋ جاساپ ءوتتى.