تۇرار رىسقۇلوۆ اۋداندىق كىتاپحاناسىنىڭ ۇيىمداستىرۋىمەن «اۋليەاتا – كىتاپ وقيتىن ءوڭىر» جوباسى اياسىندا اقىن, 2000 جىلدارى جىل ءانى اتانعان ايگىلى ء«بىز ەكەۋمىز» شىعارماسىنىڭ ءسوزىن جازعان كارىپجان ءنۇسىپتى ەسكە الۋعا ارنالعان «كارىپجانمەن سىرلاسۋ» اتتى ادەبي ميۋزيكل ءوتتى, دەپ حابارلايدى Egemen.kz.
ءىس-شارا مەلس وزبەكوۆ اتىنداعى اۋداندىق مادەنيەت ءۇيىنىڭ فويەسىندە «ولمەس, وشپەس تالانت يەسى» اتتى كىتاپ كورمەسىنەن باستالىپ, اقىننىڭ سوزىنە جازىلعان ء«بىز ەكەۋمىز» ءانىنىڭ شىعۋ تاريحى باياندالعان كورىنىسپەن اشىلدى. كەيىننەن تۇرار رىسقۇلوۆ اۋدانى اكىمىنىڭ ورىنباسارى قايرات ءابىلحان ۇلى ءسوز سويلەپ, اقىننىڭ شىعارمالارى ۇرپاققا ۇلگى, رۋحاني ازىق ەكەنىن ايتىپ ءوتتى.
ءىس-شارا بارىسىندا كىتاپحانا قىزمەتكەرلەرى جانە وقىرماندار اقىننىڭ بىرنەشە ولەڭىن وقىدى. سونىمەن قاتار ادەبي ميۋزيكلگە ارنايى شاقىرىلعان قوناقتار, قالامگەردىڭ زامانداستارى, شاكىرتتەرى جانە قىزدارى ەستەلىكتەرىمەن ءبولىستى.
جامبىل وبلىسى