مەملەكەت باسشىسىنىڭ تاپسىرماسى بويىنشا قازاقستان اۋعانستان حالقىنا گۋمانيتارلىق كومەك جولداپ وتىر. اۋعانستاننىڭ بالح پروۆينتسياسىنداعى حايراتون ستانساسىندا گۋمانيتارلىق جۇك اۋعان تاراپىنا بەرىلدى.
تەمىرجولمەن جەتكىزىلگەن جۇكتىڭ جالپى كولەمى – 2,2 مىڭ توننا. ول – وسىمدىك مايى, بيداي ۇنى, كۇرىش جارماسى, قىسقى جانە جازعى شاتىرلار, كورپەلەر. ءزارۋ دارىلىك زاتتار بار گۋمانيتارلىق كومەكتىڭ ءبىر بولىگى اۋە كولىگىمەن جىبەرىلەدى. گۋمانيتارلىق كومەك «KazAID» قازاقستاندىق حالىقارالىق دامۋ اگەنتتىگىنىڭ قولداۋىمەن كورسەتىلدى.
ەلىمىزدىڭ اۋعانستانداعى ۋاقىتشا سەنىمدى وكىلى عازيز اقباسوۆ اتاپ وتكەندەي, قازاقستان اۋعان حالقىن قولداۋدى جالعاستىرىپ, ەكى ەل اراسىنداعى دوستىق, ساۋدا-ەكونوميكالىق بايلانىستى دامىتۋدى دايەكتى تۇردە قولدايدى. تەك گۋمانيتارلىق قانا ەمەس, تاۋ-كەن ونەركاسىبى, كولىك, لوگيستيكا مەن اۋىل شارۋاشىلىعى سالاسىنداعى ىنتىماقتاستىقتى تەرەڭدەتۋگە دايىن.
21-23 ءساۋىر ارالىعىندا ۆيتسە-پرەمەر – ۇلتتىق ەكونوميكا ءمينيسترى سەرىك جۇمانعارين باستاعان قازاقستان دەلەگاتسياسى كابۋلعا بارادى. ساپار شەڭبەرىندە اۋعانستاننىڭ رەسمي تۇلعالارىمەن كەزدەسۋلەر, وتاندىق تاۋارلاردىڭ كورمەسىن وتكىزۋ جوسپارلانىپ وتىر.