قىتاي مەن ورتالىق ازيا ەلدەرىن عاسىرلار بويى قالىپتاسقان تاريحي, مادەني جانە رۋحاني ساباقتاستىق بايلانىستىرادى.
بۇل تاعدىرلاستىق بۇگىندە ستراتەگيالىق سەرىكتەستىك پەن اقپاراتتىق ىقپالداستىققا ۇلاسىپ وتىر. قازىرگى قۇبىلمالى زاماندا حالىقتاردىڭ ءوزارا تۇسىنىستىگى مەن سەنىمدى ارىپتەستىگى بۇرىنعىدان دا ماڭىزدى بولا ءتۇستى.
2023 جىلى قحر توراعاسى سي تسزينپين «ورتاق تاعدىر قاۋىمداستىعى» تۇجىرىمداماسىن ۇسىندى. بۇل باستاما جاھاندىق تۇراقسىزدىق پەن اقپاراتتىق قاۋىپ-قاتەرلەر كەزەڭىندە ەلدەرىمىزدىڭ بىرلەسىپ ارەكەت ەتۋىنە تىڭ سەرپىن بەردى. اقپارات تەك جاڭالىق ەمەس, ول قوعامدى قالىپتاستىراتىن, كوزقاراستى باعىتتايتىن كۇشكە اينالدى. سول سەبەپتى دە سەنىمدى اقپارات كوزدەرىنىڭ ماڭىزى ارتىپ وتىر.
وسى تۇرعىدا قىتايدىڭ «China Media Group» حولدينگى مەن ورتالىق ازيا ەلدەرىنىڭ اقپارات قۇرالدارى اراسىنداعى ىنتىماقتاستىق كۇن ساناپ دامىپ كەلەدى. 2018 جىلى نەگىزى قالانعان CGTN ارناسى بۇگىندە 82 تىلدە اقپارات تاراتادى. ناقتىلىق پەن پاراساتتىلىق ۇستانىمىن بەرىك ۇستاناتىن بۇل مەديا قۇرىلىم الەمدىك اۋديتورياعا ۋاقتىلى, شىنايى اقپارات ۇسىنىپ وتىر.
CGTN مەن ورتالىق ازيا ەلدەرىنىڭ جەتەكشى باق وكىلدەرى اراسىندا وتكىزىلگەن ونلاين-فورۋمدار, پىكىر الماسۋ الاڭدارى, بىرلەسكەن جوبالار – ايماقتاعى مەديا ىقپالداستىقتىڭ ناقتى كورىنىسى. قىتاي مەن قازاقستان, قىرعىزستان, وزبەكستان, تاجىكستان اراسىنداعى جوعارى دەڭگەيدەگى اقپاراتتىق بايلانىس حالىقتار اراسىنداعى ءوزارا سەنىمدى ارتتىرىپ, مادەني الماسۋعا جول اشىپ كەلەدى.
بىلتىر استانا ءسامميتى اياسىندا قىتاي مەن ورتالىق ازيا ەلدەرى گۋمانيتارلىق باعىتتاعى بىرقاتار ءىس-شارا وتكىزدى. بۇل جوبالار تەك اقپارات الماسۋدى ەمەس, سونىمەن قاتار ورتاق قۇندىلىقتاردى تانۋعا, بايىتۋعا, حالىقتاردىڭ ءبىر-ءبىرىن جاقىنىراق تانۋىنا ىقپال ەتتى.
قىتايدىڭ حالىقارالىق مەديا پلاتفورمالارىندا قۇرىلعان ەۋرازيالىق جاڭالىقتار تاراتۋ جۇيەسى – ايماقتىق ىنتىماقتاستىقتىڭ ناقتى ناتيجەسى. بۇل باستاما 2 مىڭعا جۋىق جازىلۋشىنى بىرىكتىرىپ, اقپارات كەڭىستىگىنە ساپالى كونتەنت ۇسىنۋدى جولعا قويدى.
ءبىز «Asian-Broadcasting Union»-عا ازەربايجان مەن تاجىكستان سەكىلدى مەملەكەتتەردى دە بەلسەندى جۇمىس ىستەۋگە شاقىرامىز. سونىمەن قاتار تىلدىك كەدەرگىلەرگە قاراماستان, تەحنولوگيالىق شەشىمدەر ارقىلى اقپاراتتىق الماسۋدىڭ ءتيىمدى فورماتىن جولعا قويادى جۇزەگە اسىرا الدىق.
قىتاي مەن ورتالىق ازيانىڭ اقپارات قۇرالدارى اراسىندا قالىپتاسقان بۇل ىنتىماقتاستىقتى ورتاق بولاشاعىمىزدى بىرگە قۇرۋعا باعىتتالعان سەنىمدى ءارى مازمۇندى ارىپتەستىك دەر ەدىم.
دين يۋن,
CGTN باس رەداكتورىنىڭ ورىنباسارى