وتىرىستىڭ كۇن ءتارتىبى ناقتىلاندى

ءبىرىنشى وقىلىمدا دە­پۋ­تاتتارعا «نىسانالى كاپيتال قورلارى (ەنداۋمەنت-قورلار) تۋرالى» زاڭ جوباسىن تالقىلاۋ ۇسىنىلادى. جاڭا زاڭ جوباسى ۇكىمەتپەن نىسانالى كاپيتال قورلارى مەن ەنداۋمەنت-قورلاردى قۇرۋ جانە ولاردىڭ قىزمەت ەتۋىنىڭ قۇقىقتىق نەگىزىن قالىپتاستىرۋ ءۇشىن ازىرلەنگەن. ەنداۋمەنت-قورلاردى باسقارۋ ءۇشىن ينۆەستيتسيالىق تابىس پەن مەتسەناتتىق قىزمەت نىساندارىن قارجىلاندىرۋدى قامتاماسىز ەتەتىن كوممەرتسيالىق ەمەس ۇيىم رەتىندە ماقساتتى كاپيتال قور قۇرۋ ۇسىنىلادى. وسى زاڭ جوباسىنا ىلەسپە رەتىندە ازامات­تىق كودەكسكە, ء«بىلىم تۋرالى», «قايىرىمدىلىق تۋرالى» جانە «عىلىم مەن تەحنولوگيالىق سايا­سات تۋرالى» زاڭدارعا وزگەرىستەر ەنگىزۋ قاراستىرىلعان.

جالپى وتىرىستا دەپۋتاتتارعا ىشكى ىستەر ورگاندارىنىڭ قىزمەتى سالاسىنداعى نورمالاردىڭ ار­تىق (شامادان تىس) زاڭنامالىق رەگلامەنتتەلۋىن بولعىزباۋ ماسەلەلەرى بويىنشا تۇزەتۋلەر­دى ءبىرىنشى وقىلىمدا قاراۋ ۇسىنىلادى. اتالعان زاڭ جوباسى پرەزيدەنتتىڭ 2022 جىل­عى 13 ساۋىردەگى «مەملەكەتتىك اپپاراتتىڭ قىزمەتىن بيۋروكراتيادان ارىلتۋ جونىندەگى شارالار تۋرالى» جارلىعىن ىسكە اسىرۋ ماقساتىمەن ازىرلەنگەن. وزگەرىستەر قولدانىستاعى 16 زاڭعا ەنگىزىلەدى.

سونىمەن قاتار كۇن تارتىبىندە «اۋماقتىق قورعانىس تۋرالى» زاڭ جوباسى دا بار. بۇل قۇجاتپەن اۋماقتىق قورعانىستىڭ قۇقىقتىق نەگىزدەرى, ونىڭ ماقساتتارى, مىن­دەتتەرى مەن قاعيداتتارى, مەم­لەكەتتىك ورگانداردىڭ, ۇيىم­دار مەن ازاماتتاردىڭ وكىلەت­تىكتەرى مەن جاۋاپكەرشىلىگى ايقىن­دالادى. زاڭ جوباسىن دەپۋ­تاتتار ەكىنشى وقىلىمدا قارايدى.