ەكىنشى دۇنيەجۇزىلىك سوعىس جەڭىسىنىڭ 80 جىلدىعىنا ارنالعان ەلوردادا وتەتىن اسكەري شەرۋ بارلىق رەسپۋبليكالىق تەلەارنادان تىكەلەي ەفيردە كورسەتىلەدى, دەپ حابارلايدى Egemen.kz.
مادەنيەت جانە اقپارات ءمينيسترى ايدا بالاەۆانىڭ ايتۋىنشا, اسكەري شەرۋدەن ءبىر كۇن بۇرىن (6 مامىر) جەڭىس مەرەكەسى مەن وتان قورعاۋشىلار كۇنىنە ارنالعان سالتاناتتى كونتسەرت وتەدى.
«7 مامىردا استاناداعى «قازاق ەلى» مونۋمەنتىنىڭ الاڭىندا قازاقستان رەسپۋبليكاسىنىڭ قارۋلى كۇشتەرى, ۇلتتىق قاۋىپسىزدىك كوميتەتىنىڭ شەكارا قىزمەتى, ۇلتتىق گۆارديا, توتەنشە جاعدايلار مينيسترلىگى جانە مەملەكەتتىك كۇزەت قىزمەتى بولىمشەلەرىنىڭ قاتىسۋىمەن اسكەري پاراد ۇيىمداستىرىلادى. مەرەكەلىك شارالاردى كەڭىنەن ناسيحاتتاۋ ماقساتىندا پارادتىڭ تىكەلەي ەفيرى رەسپۋبليكانىڭ بارلىق ورتالىق تەلەارنالارىندا كورسەتىلەدى», دەدى ايدا بالاەۆا ەلوردادا وتكەن ارداگەرلەر كەڭەسىنىڭ پلەنۋمىندا.
سونداي-اق بارلىق ءوڭىر مەن استانا قالاسىنىڭ ورتالىق الاڭدارىندا ارنايى LED ەكراندار ورناتىلىپ, قازاقستاندىقتار اسكەري شەرۋدى ناقتى ۋاقىت رەجيمىندە تاماشالاي الادى.