3 مىڭنان استام مەكتەپ وقۋشىسى ءبىر مەزەتتە «قاماجاي» ءبيىن بيلەپ, جاڭا رەكورد ورناتتى. مۇنداي اۋقىمدى ءىس-شارا بۇرىن-سوڭدى بولماعان.
بۇل فلەشموب «ناۋرىزناما» ونكۇندىگى اياسىندا جانە ۇلتتىق كيىم كۇنىنە وراي ۇيىمداستىرىلدى. وعان استانا قالاسىنىڭ ءبىلىم باسقارماسى مەن تەحنيكالىق جانە كوركەم شىعارماشىلىق ورتالىعى ۇيىتقى بولدى. «قاماجاي» – ەڭ تانىمال حالىق بيلەرىنىڭ ءبىرى. بۇل بي كوركەمدىكتى, قۋانىشتى بەينەلەيدى. وسىنداي اۋقىمدا ءبيدىڭ ساحنالانۋى – كوز تارتارلىق كورىنىس قانا ەمەس, مادەنيەتىمىزدى ساقتاۋ جولىنداعى ماڭىزدى قادام.