2025 جىلدى «جۇمىسشى ماماندىقتار جىلى» دەپ جاريالاعان پرەزيدەنت جارلىعىن ىسكە اسىرۋ شەڭبەرىندە توتەنشە جاعدايلار مينيسترلىگى اسكەري قىزمەتشىلەردى قاجەتتى ماماندىقتارعا وقىتۋدى جالعاستىرىپ جاتىر, دەپ حابارلايدى Egemen.kz.
باۋىرجان مومىش ۇلى اتىنداعى 28237 اسكەري ءبولىمىنىڭ مەرزىمدى اسكەري قىزمەتشىلەرى ج.جاباەۆ اتىنداعى كاسىپتىك كوللەدجى جانە مەكتەپارالىق وقۋ-وندىرىستىك كومبيناتى اراسىندا جاسالعان مەموراندۋم نەگىزىندە اسپازشى, اۆتومەحانيك, سلەسار, شاشتاراز, گاز دانەكەرلەۋشى, ەلەكتريك سياقتى ماماندىقتار بويىنشا وقۋدان ءوتىپ, بىلىكتىلىك تۋرالى كۋالىك الادى, بۇل ولارعا مانساپتارىن سەنىمدى قۇرۋعا جانە قازىرگى ەڭبەك نارىعىنىڭ تالاپتارىنا بەيىمدەلۋگە مۇمكىندىك بەرەدى.
ء«بىز جاستاردى اسكەري قىزمەتكە دايىنداپ قانا قويمايمىز, سونداي-اق ولارعا بولاشاق ءۇشىن بەرىك نەگىز بولاتىن ءبىلىم مەن داعدىلاردى ۇيرەتەمىز. بۇل ولاردىڭ ارميادان كەيىنگى كاسىبي قالىپتاسۋى مەن تابىستى ومىرىنە قوسىلاتىن ماڭىزدى ۇلەس», دەپ اتاپ ءوتتى سالا ءمينيسترى گەنەرال-مايور شىڭعىس ءارىنوۆ.