جامبىل وبلىسىندا «بورىشكەر -2025» جەدەل الدىن-الۋ ءىس-شاراسى وتكىزىلىپ جاتىر. ءىس-شارا ايىپپۇلدى دەر كەزىندە ءوندىرىپ, بۇقاراعا اكىمشىلىك ايىپپۇلدى ۋاقىتىلى وتەۋ قاجەتتىگىن تۇسىندىرۋگە باعىتتالعان, دەپ حابارلايدى Egemen.kz جامبىل وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
جولدا وتكىزىلگەن رەيدتىك ءىس-شارا كەزىندە پاترۋلدىك پوليتسيا قىزمەتكەرلەرى بورىشكەرلەردىڭ ءتيىستى دەرەكقورى نەگىزىندە اۆتوكولىكتەردىڭ ءنومىرىن تەكسەرگەن. تەكسەرۋ بارىسىندا كولىك جۇرگىزۋشى سول تىزىمنەن تابىلسا, اۆتوكولىكتى قارىز وتەلگەنگە دەيىن ايىپ تۇراعىنا قويۋ مىندەتتەلگەن.
«رەيدتىڭ ەكى كۇنىندە وندىرىلگەن سوما 34 ميلليون 901 مىڭ تەڭگەنى قۇرادى. پوليتسيا قىزمەتكەرلەرى بورىشكەرلەردىڭ 1429 مەكەنجايلارى بويىنشا اۋلالارىن ارالاپ شىقتى. سوت ورىنداۋشىلارىنىڭ قاۋلىلارىنا سايكەس مامانداندىرىلعان ايىپ تۇراعىنا 218 بورىشكەردىڭ اۆتوكولىگى قويىلدى», دەيدى جامبىل وبلىستىق پد ءاپب باستىعىنىڭ ورىنباسارى ەرجان مانانباەۆ.