«Spotify» پلاتفورماسى جاساندى ينتەللەكت دىبىستاعان اۋديوكىتاپتاردى جاريالاي باستادى.
جاساندى ينتەللەكت 29 ءتۇرلى تىلدە كىتاپتاردى داۋىستاپ وقي الادى. اۆتورلار ءوز ەڭبەكتەرىن «ElevenLabs» ارقىلى دىبىستاپ, «Spotify Findaway Voices» قىزمەتى ارقىلى جۇكتەۋىنە بولادى. دەگەنمەن جاڭا جۇيە پىكىرتالاس تۋدىردى. ساراپشىلار جي ەشقاشان كاسىبي دۋبلياج اكتەرلەرىنىڭ داۋىسى مەن ەموتسياسىن الماستىرا المايدى دەگەن پىكىردە. بۇعان دەيىن «Sanas» تەحنولوگياسى ادامنىڭ سويلەۋ مانەرىن وزگەرتىپ, دىبىستىڭ تابيعي ەرەكشەلىكتەرىن ساقتاي وتىرىپ وڭدەي الاتىنى تۋرالى زەرتتەۋلەر جاريالاعان ەدى. ياعني جاساندى ينتەللەكت تەك ءماتىندى دىبىستاۋمەن شەكتەلمەي, ادامنىڭ وزىندىك داۋىسى مەن ينتوناتسياسىن قايتالاي الاتىن دەڭگەيگە جەتە الادى.