استانا. 4 مامىر. استانا اۋەجايىندا قاراۋسىز قالعان فوتواپپارتتى ۇرلاپ الدى دەگەن كۇدىكپەن ايەل ادام قولعا ءتۇستى. بۇل تۋرالى zakon.kz حابارلادى.
كولىكتەگى ىشكى ىستەر دەپارتامەنتى ءباسپاسوز قىزمەتىنىڭ حابارلاۋىنشا, اۋەجايداعى جەلىلىك پوليتسيا بولىمىنە 29 جاستاعى كەلىنشەك شاعىمدانعان. ول ەكىنشى قاباتتا ۇشاقتىڭ ۇشۋ ۋاقىتىن كۇتىپ وتىرىپ, فوتواپپاراتىن قالدىرىپ كەتكەن. مۇلكىن جوعالتىپ الۋىنا بايلانىستى كەلىنشەك 140 مىڭ تەڭگە شىعىنعا باتقان.
جەلىلىك پوليتسيا ءبولىمى قىزمەتكەرلەرىنىڭ جەدەل ىزدەستىرۋ شارالارى ناتيجەسىندە 49 جاستاعى ايەل قولعا ءتۇستى. ءتىنتۋ بارىسىندا ودان جوعالعان زات تابىلدى. ءوزىنىڭ ايتۋىنشا, ول فوتواپپاراتتى تاۋىپ العان.
بۇگىندە وسى دەرەككە بايلانىستى قىلمىستىق كودەكستىڭ 188-بابى بويىنشا (ۇرلىق) سوتقا دەيىنگى تەرگەۋ شارالارى جۇرگىزىلۋدە.
ەلامان قوڭىر.
دەرەك: zakon.kz.
سۋرەت: podrobnosti.mk.ua.