استانا. 4 مامىر. فينليانديا قورعانىس مينيسترلىگى سوعىس بولا قالعان جاعدايدا اسكەري رەزەرۆتى قۇراپ الۋ ماقساتىندا ەلدىڭ 900 مىڭ ازاماتىنا حات جولدادى. بۇل تۋرالى نەمىستىڭ Deutsche Welle گازەتى حابارلادى.
Newswee جۋرنالى سەنبى, 2 مامىر كۇنى حابارلاعانداي, قورعانىس مينيسترلىگىنىڭ جولداۋىندا ولاردىڭ اسكەري جانجال تۋا قالعان جاعدايدا پايدالاناتىن رەزەرۆ رەتىندە دايىندالاتىنى ايتىلعان. وسىعان بايلانىستى رەزەرۆشىلەردەن وزدەرىنىڭ قازىرگى بارلىق جەكە جاعدايلارىن اكتۋالدى قالىپقا كەلتىرۋ سۇرالعان.
حەلسينكيدەگى قورعانىس ۆەدومستۆوسى بۇل سۇرانىستاردىڭ رەسەي تاراپىنان بولىپ قالۋى ىقتيمال سوعىس قاۋپىنە بايلانىستى جاسالىپ جاتقانىن جوققا شىعارىپ وتىر. Newsweek مالىمدەگەندەي, قورعانىس مينيسترلىگىنىڭ رەسمي وكىلى اتالمىش حاتتىڭ فينليانديانىڭ شەكاراسى اۋماعىنداعى قاۋىپ-قاتەرگە ەشقانداي قاتىسى جوق ەكەنىن ايتقان.
2014 جىلدىڭ قازان ايىندا ءفيننىڭ اسكەري-اۋە كۇشتەرى ەلدىڭ اۋە كەڭىستىگىندەگى ءتارتىپتىڭ رەسەي اسكەري ۇشاقتارى تاراپىنان ءجيى بۇزىلۋىنا بايلانىستى اسپانعا ۇشىپ شىعۋ جيىلىگىن ارتتىرعان بولاتىن. بۇدان باسقا, 2015 جىلدىڭ ءساۋىر ايىنىڭ سوڭىندا فينليانديانىڭ تەڭىزدەگى جاعالاۋىنان تانىلماعان سۋ استى نىسانى بايقالىپ قالعان بولاتىن. مۇنىڭ سۇڭگۋىر قايىق بولۋى ابدەن مۇمكىن ەكەنى دە ايتىلۋدا. قازىرگى تاڭدا بۇل ەلدە ناتو-عا ءوتۋ-وتپەۋ ماسەلەسى ۇلكەن پىكىرتالاسقا اينالىپ جاتىر.
قۇرىش نۇرىمبەت.
دەرەك, سۋرەت: Deutsche Welle.