استانا. 4 مامىر. تۇركيادا نۇرسۇلتان نازارباەۆتىڭ قۇرمەتىنە اۋە شارلارى (اەروستات) ۇشىرىلدى. ەلباسىنىڭ پرەزيدەنتتىك سايلاۋدا جەڭىسكە جەتۋىنە بايلانىستى ۇيىمداستىرىلعان شارا نەۆشەحير ايماعىنداعى الەمگە تانىمال «كاپپادوكيا» تۋريستىك ورتالىعىندا ءوتتى. اۋەگە كوتەرىلگەن شارلارعا قازاقستان پرەزيدەنتىنىڭ پورترەتى, قۇتتىقتاۋ سوزدەر جانە ەكى ەلدىڭ مەملەكەتتىك تۋلارى ءىلىندى. بۇل تۋرالى gazeta.kz حابارلادى.
قازاقستاننىڭ تۇركياداعى ەلشىلىگى تاراتقان مالىمەتكە سۇيەنسەك, اتالعان شارا مەملەكەت باسشىسىنىڭ سايلاۋداعى جەڭىسىنە جانە قازاقستان حالقىنىڭ بىرلىگى كۇنى مەرەكەسىنە ارنالعان. بۇل تىڭ باستاماعا باق وكىلدەرى مەن جەرگىلىكتى جانە شەتەلدىك تۋريستەر كۋا بولدى.
اەروستات ۇشقىشى حاككى يىلدىز ەلباسىنىڭ جارقىن جەڭىسىمەن بارشا قازاقستاندىقتى قازاق تىلىندە قۇتتىقتادى. «باۋىرلاس قازاق حالقىنا بەيبىتشىلىك پەن تۇراقتىلىق جانە جارقىن بولاشاق تىلەيمىن», – دەدى ول ءوز قۇتتىقتاۋىندا.
كوككە كوتەرىلگەن شارلار كاپپادوكيا تاۋىمەن ۇيلەسىم تاۋىپ, تۋريستەردى ۇمىتىلماس اسەرگە بولەدى.
كاپپادوكيا تاۋى ءوزىنىڭ بىرەگەي گەولوگياسى جانە ەجەلگى عيباداتحانالارىمەن بەلگىلى. ال وسى ايماقتاعى گەرەمە ۇلتتىق ساياباعى UNESCO-نىڭ بۇكىلالەمدىك مۇرالارىنىڭ قاتارىنا قوسىلعان. سونداي-اق, بۇل تاريحي ولكەدە اتالعان اۋە شارلارى دا اسا تانىمالدىلىققا يە.
ايتا كەتەيىك, نەۆشەحير ايماعىندا نۇرسۇلتان نازارباەۆ اتىنداعى داڭعىل, قازاقستان اتىنداعى جەلەك, «قازاقستان مەن تۇركيانىڭ دوستىعى» ساياباعى جانە «نەۆشەحير» ۋنيۆەرسيتەتىندە «قازاقستان» اۋديتورياسى بار.
ەلامان قوڭىر.
دەرەك, سۋرەت: gazeta.kz.