شىمبۇلاقتا سايىسقا تۇسەدى

قازىردىڭ وزىندە اقش, اۋسترا­ليا, جاپونيا, يسپا­نيا, يرلانديا, گەر­مانيا, كانادا, قىتاي, وڭتۇس­تىك كورەيا, فينليانديا, فرانتسيا, چەحيا, ۇلى­بريتانيا, شۆەي­تساريا, شۆەتسيا, ۋكراينا قۇ­را­­­مالارى الماتىعا ات باسىن بۇراتىندارىن راستادى. سولار­دىڭ قاتارىندا ءار جىلدارى وليمپيا ويىن­دارى مەن الەم چەمپيوناتتارى, باسقا دا اسا ءىرى حالىقارالىق دەڭگەيدەگى دودالاردا دارالانعان فريس­­­تايلشىلار دا بار.

الاتاۋ باۋرايىندا جالاۋى جەلبىرەيتىن جارىستا بارىنشا تابىستى ونەر كورسەتۋدى ماقسات تۇتقان ەلىمىزدىڭ قۇراماسى دا كىل مىقتىلارعا سەنىم ارتىپ وتىر. جەرلەستەرىمىزدىڭ اراسىنان يۋليا گالىشەۆا مەن پاۆەل كولماكوۆتى بولە-جارا اتاپ وتۋگە بولادى. يۋليا – وليمپيا ويىندارىنىڭ قولا جۇل­دەگەرى (2018 جىلى), الەم چەمپيونى (2019), الەم چەم­پيوناتىنىڭ ءۇش دۇر­­­كىن جۇلدەگەرى (2015, 2017, 2021), ازيا ويىندارى (2011), دۇنيەجۇزىلىك ۋنيۆەرسيادانىڭ ءۇش دۇر­كىن جەڭىمپازى (2015, 2017). پاۆەل – الەم چەم­پيوناتىنىڭ قولا جۇل­دەگەرى (2021), دۇنيە­­جۇزىلىك ۋنيۆەرسيادانىڭ جە­ڭىمپازى (2015), ەكى دۇركىن جۇلدەگەرى (2017, 2019). جاستار بۋىنى اراسىنان اناستاسيا گورودكونىڭ ەكپىنى كۇشتى. 19 جاستاعى كەندى التايدىڭ ارۋى الەم چەمپيوناتىندا (2021) ءۇشىنشى ورىنعا تابان تىرەسە, دۇنيەجۇزىلىك ۋنيۆەرسيادادا (2025) ەكى رەت التىننان القا تاقتى.

جوعارىدا ەسىمدەرى اتال­­عان دۇل­دۇلدەردەن بو­لەك, اتالعان جارىستا دىنمۇ­حام­مەد رايىمقۇلوۆ (جاس­تار اراسىندا الەم چەمپيونى), رومان يۆانوۆ (ازيا ويىن­دارىنىڭ جەڭىم­پازى), شەرزود حاشيرباەۆ (ازيا ويىندارىنىڭ جە­ڭىم­­پازى), اسان اسىلحان (ازيا ويىندارىنىڭ كۇمىس جۇلدەگەرى), رومان پوگو­سيان (حالىقارالىق تۋر­نيرلەردىڭ جۇلدە­گەرى), ايانا جولداس (ازيا ويىن­دارىنىڭ بىرنەشە دۇركىن جۇلدەگەرى), اردانا ماقا­نوۆا (ازيا ويىن­دارىنىڭ ەكى دۇركىن جۇل­دەگەرى) سىندى شەبەرلەر سايىسقا تۇسەدى.

جارىس باعدارلاما­سى­­نا كەلەر بولساق, 28 اقپان­دا شىم­­بۇ­لاقتا موگۋلدان, 1 ناۋرىزدا پاراللەلدى موگۋلدان, 2 ناۋرىز­دا شاڭعى اكروباتيكاسىنان باسەكەلەر وتەدى.