17 اقپاندا الماتى, شىمكەنت قالالارىندا جانە تۇركىستان وبلىسىندا ءدىني راديكالداردىڭ ارەكەتتەرى توقتاتىلدى.
ولاردى ۇقك پروكۋراتۋرا ورگاندارىنىڭ ۇيلەستىرۋىمەن جانە پوليتسيانىڭ قولداۋىمەن ۇستاعان.
بۇعان ۇلتتىق ۇلانىنىڭ ارنايى ماقساتتاعى «بۇركىت» بولىمشەلەرى جانە پيلوتسىز اۆياتسيالىق جۇيەلەردىڭ ەسەپتەرى دە اتسالىستى.
- تەرروريزمدى, سونىڭ ىشىندە الەۋمەتتىك جەلىلەر ارقىلى ناسيحاتتادى دەگەن كۇدىكپەن 4 قازاقستاندىق ۇستالدى. ولاردىڭ تۇرعىلىقتى جەرلەرىن ءتىنتۋ بارىسىندا زاتتاي دالەلدەمەلەر تاركىلەندى, - دەلىنگەن ۇلتتىق ۇلانىنىڭ ءباسپاسوز قىزمەتى حابارلاماسىندا.
قىلمىستىق كودەكستىڭ 256-بابى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.