«Tesla» 2025 جىلى 10 000 «Optimus» گۋمانويد روبوتىن شىعارۋدى جوسپارلاپ وتىر. يلون ماسكتىڭ ايتۋىنشا, بۇل قۇرىلعىلار جىلدىڭ سوڭىنا قاراي «Tesla» زاۋىتتارىندا جۇمىس ىستەي باستايدى.
يلون ماسك بولاشاقتا «Tesla» جىلىنا 100 ميلليون روبوت جاساپ, «Optimus» باعدارلاماسى كومپانيانىڭ نەگىزگى تابىس كوزىنە اينالادى دەگەن مالىمدەمە جاسادى. «Tesla» كومپانياسى ءوندىرىس كولەمىن كەزەڭ-كەزەڭىمەن ارتتىرماقشى. باستاپقىدا ايىنا 1000 روبوت شىعارىلسا, كەيىن بۇل سان 10 000-عا جەتپەك. 2026 جىلى «Optimus 2» مودەلىنىڭ ءوندىرىسى باستالىپ, ايىنا 100 000 روبوت شىعارۋ كوزدەلگەن. قازىرگى ۋاقىتتا بۇل روبوتتار تەك «Tesla» زاۋىتتارىندا قولدانىلادى. ال ساتىلىمعا 2026 جىلدان باستاپ شىعادى.