دەنساۋلىق ساقتاۋ مينيسترلىگى 2023 جىلى قازاقستاندا ءجاسوسپىرىم قىزدار اراسىنداعى ەرتە جۇكتىلىك 10,2 پايىزعا تومەندەگەنىن حابارالادى, دەپ جازادى Egemen.kz.
مينيسترلىك مالىمەتىنشە, جاسوسپىرىمدەردىڭ جىنىستىق قاتىناسقا ءتۇسۋ بويىنشا ورتا جاسى 16,5 قۇراعان.
سونداي-اق, ەرتە جىنىستىق قاتىناسقا تۇسكەن قىزداردىڭ اراسىندا ابورتتاردىڭ سانى 13,4 پايىزعا تومەندەگەن.
جاسوسپىرىمدەردىڭ جۇكتىلىگى وزەكتى الەۋمەتتىك ماسەلە ەكەنى انىق. ويتكەنى ەرتە جۇكتى بولعان قىزدار ءبىلىم الۋ مۇمكىندىگىن جوعالتىپ, الەۋمەتتىك پروبلەمالارعا تاپ بولادى. ولاردىڭ مىنەز-قۇلقىندا سۋيتسيدكە بەيىمدىلىك پەن پسيحولوگيالىق بۇزىلۋلار دا ارتادى.
«بۇۇ-نىڭ تۇرعىن حالىق سالاسىنداعى قورىنىڭ (يۋنفپا) زەرتتەۋىنە سايكەس جوسپارلاماعان جۇكتىلىكتىڭ الدىن الۋ ءۇشىن قولدانىلاتىن قازىرگى زامانعى قۇرالدارىن جالپى ەل بويىنشا دا, وڭىرلەر بويىنشا دا پايدالاناتىن جاسوسپىرىمدەردىڭ ۇلەسى ەڭ جوعارى 20 پايىزدان اسپايدى», دەلىنگەن مينيسترلىك حابارلاماسىندا.