اۋا دا, سۋ دا باقىلاۋدا

كۇز بەن قىس – ءتۇرلى تۇماۋ دەرتىنىڭ ءورشيتىن كەزەڭى. دەگەنمەن باتىس قازاقستان وبلىسىندا بىلتىرعى وسى كەزەڭمەن سالىستىرعاندا اۋرۋ 28,7%-عا تومەندەگەن.

– اۋىرعانداردىڭ 50 262-ءسى – 14 جاسقا دەيىنگى بالالار. سونىڭ ىشىندە 1 644 جاعداي 1 جاسقا دەيىنگى بالالار اراسىندا تىركەلىپ وتىر. جۇكتىلىگىنە بايلانىستى ەسەپتە تۇرعان 462 ايەلگە تۇماۋ تيگەن. اۋىرعانداردىڭ اراسىندا وقۋشىلار دا از ەمەس, وبلىستىڭ 177 مەكتەبىنەن 3 471 بالا تىركەلدى, – دەيدى نۇرلىبەك ەرمەك ۇلى. 

وبلىستىق سانيتارلىق-ەپيدەميو­لو­گيالىق قاداعالاۋ دەپارتامەنتى باس­شى­سىنىڭ ورىنباسارى گۇلدانا كەرەەۆا وتكەن جىلدىڭ قورىتىندىسى بويىنشا قورشاعان ورتاعا جۇرگىزىلگەن مونيتورينگ ناتيجەلەرىن جاريا ەتتى.

– قازىرگى ۋاقىتتا قورشاعان ورتانى باقىلاۋ وتە ماڭىزدى. قورشاعان الەمگە ءتيىپ جاتقان انتروپولوگيالىق اسەر­لەر كۇتپەگەن سالدارعا اكەلۋى مۇمكىن. ءبىز وڭىردەگى اتموسفەرالىق اۋانىڭ, توپى­راقتىڭ, سۋدىڭ جاي-كۇيىن باقىلاپ وتىرمىز, – دەيدى گۇلدانا قايىرجانقىزى.

سانيتارلىق-ەپيدەميولوگيالىق مونيتورينگ شەڭبەرىندە قورشاعان ورتادان – سۋ مەن توپىراقتان, اتموسفەرالىق اۋادان توقسانىنا كەمىندە ءبىر مارتە سىناما الىنادى. باتىس قازاقستان وبلىسىندا سۋ كوزدەرىن باقىلايتىن 469 ورىن بار. وتكەن جىل ىشىندە وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ ماماندارى بارلىعى 4 137 مارتە سىناما العان.

– وڭىردەگى ورتالىقتاندىرىلعان سۋمەن جابدىقتاۋ نىساندارىن تەكسەرگەن كەزدە, ونىڭ 257-ءسى قالىپقا سايكەس كەلمەدى. نورمادان اۋىتقۋ اقجايىق, ءبورلى, بايتەرەك, قازتالوۆ, قاراتوبە, سىرىم, تاسقالا, تەرەكتى, شىڭعىرلاۋ اۋداندارىندا انىقتالدى. ميكروبيولوگيالىق كورسەتكىشتەرگە جاسالعان 4 337 سىناما ناتيجەسىندە 135 جەردە قالىپتان اۋىت­قۋ بايقالدى. مۇنداي جاعداي بوكەي­وردا اۋدانىنان باسقا بارلىق اۋداندا, ورال قالاسىندا كەزدەستى. ورتا­لىقتاندىرىلماعان سۋ نىساندارىنا جاسالعان 360 سىنامانىڭ 45-ىندە ساني­تاريالىق-حيميالىق كورسەتكىشتەر نورماعا سايكەس كەلمەدى, – دەدى گ.كەرەەۆا.

دەپارتامەنت تاراپىنان قالىپقا ساي كەلمەگەن بارلىق مەكەمەگە سۋمەن جابدىقتاۋ نىساندارىن تازالاۋ, جۋ, دەزينفەكتسيالاۋ قاجەتتىگى تۋرالى حات جىبە­رىلدى. ءسويتىپ, اتالعان بارلىق سۋ قۇبى­رىندا جۋ, دەزينفەكتسيا جۇمىسى جۇر­گىزىلدى.

باتىس قازاقستان وبلىسى – مۇناي-گاز سەكىلدى تابيعي قازبانى بەلسەندى يگەرىپ جاتقان ءوڭىر. سوندىقتان دەپارتامەنت ماماندارى اتموسفەرالىق اۋانىڭ جاعدايىنا دا قاتاڭ باقىلاۋ جۇرگىزىپ وتىر. «وبلىستا اتموسفەراعا زياندى زاتتار تاراتۋى مۇمكىن 155 نىسان ءجىتى نازاردا» دەيدى ماماندار.

– سانيتارلىق-ەپيدەميولوگيالىق مونيتورينگ كەزىندە ءتۇرلى نۇكتەدەن 42 508 مارتە اتموسفەرالىق اۋا سىناماسى الىندى. سونىڭ ىشىندە 63 سىناما ءتورت كورسەتكىش: شاڭ, كۇيە, كومىرتەگى توتىعى, كۇكىرتتى سۋتەگى جونىندە گيگيەنالىق نورماتيۆتەرگە سايكەس كەلمەدى. ءبىز بۇل ايماقتا اۋرۋشاڭدىق دەڭگەيى قالىپتان اسىپ كەتكەن جاعدايدا انىقتالعان مالىمەتتەردى ءتيىستى شەشىم قابىلداۋ ءۇشىن مۇددەلى مەم­لەكەتتىك ورگانداردىڭ قاراۋىنا بەرە­مىز, – دەيدى گ.كەرەەۆا.

باتىس قازاقستان وبلىسى