يتاليانىڭ تۋرين قالاسىندا ءوتىپ جاتقان قىسقى ۋنيۆەرسيادانىڭ بۇگىنگى جارىس كۇنىندە سپورتشىلارىمىز 2 مەدال جەڭىپ الدى, دەپ جازادى Egemen.kz.
بۇگىن جەڭىس تۇعىرىنان كورىنگەن پاراشاڭعىشى دەنيس زينوۆ 10 كم ەركىن جۇرىستە «كۇمىس» ەنشىلەسە, رومان قۇربانوۆ قولا جۇلدەگە قول جەتكىزدى.
«بۇل جەتىستىك ەل پاراسپورتشىلارىنىڭ قاجىرلى ەڭبەگىن, سپورتشىلارىمىزدىڭ قايسارلىعى مەن مىقتى رۋحىن تاعى ءبىر مارتە الەمگە پاش ەتتى. ەكى سپورتشىمىزدى دا جەڭىستەرىمەن قۇتتىقتاپ, بولاشاقتاعى جارىستاردا ودان دا جوعارى جەتىستىكتەرگە جەتۋىنە تىلەكتەسپىن! بارلىق سپورتشىعا الداعى سىنداردا تابىس, كۇش-قۋات تىلەيمىن», دەدى قر عىلىم جانە جوعارى ءبىلىم ءمينيسترى ساياسات نۇربەك. ايتا كەتەيىك, كەشە فريستايل-موگۋلدان سىنعا تۇسكەن اناستاسيا گورودكو ەلىمىزگە ۋنيۆەرسياداداعى العاشقى «التىندى» سىيلاعان ەدى.