ورتالىق ازياداعى ستارتاپتاردىڭ مۇمكىندىگى

ستارتاپ اكادەمياسى­نىڭ 3.0 تانىستىرىلى­مى­نا ورتالىق ازياداعى «TikTok» بيزنەستى دامىتۋ دە­پار­تامەنتىنىڭ باسشىسى يۋليا كۋش­نير قاتىستى. ونىڭ ايتۋىن­شا, «TikTok» كاسىپتى تەز دوڭ­گە­لەتۋگە ىقپال ەتەتىن پلاتفورما. ويتكەنى وندا از ۋاقىتتا ۇلكەن اۋديتورياعا جەتۋگە بولادى. ستار­تاپتاردىڭ باستى مىندەتى – تۇتىنشۋلاردى تارتۋ جانە برەندىن تانىمال ەتۋ. سوندىقتان «TikTok» بيزنەس ءۇشىن جارناما الاڭى عانا ەمەس, كرەاتيۆتى شەشىمدەردى جۇزەگە اسىرۋعا مۇم­كىندىك بەرەتىن كەرەمەت قۇرال. پلاتفورما ارقىلى ستارتاپتار وزدەرىنىڭ برەندى مەن ونىمدەرىن حالىقارالىق نارىقتارعا تانىتۋ مۇمكىندىگىنە يە بولادى. «TikTok for Business» ستارتاپتارعا ءوز اۋديتورياسىن تابۋعا, ونىمدەرىن جارنامالاۋعا, باسەكەگە قابىلەتتى بولۋعا كومەكتەسەدى.

جوبانىڭ ءمان-ماقساتىن تۇسىن­دىرگەن ول «TikTok» پلاتفور­ماسى ستارتاپتار ءۇشىن ۇلكەن مۇم­كىندىگىن ۇسىناتىن الاڭ ەكەنىن اتاپ ءوتتى.

«قازىرگى تسيفرلىق داۋىردە كرەاتيۆتى ستراتەگيالار مەن كون­تەنت جاساۋدىڭ ماڭىزى زور. «TikTok» وسىنداي مىندەتتەردى ورىن­داۋعا مۇمكىندىك بەرەتىن پلات­فورماعا اينالدى. پلات­فور­مادا جىلدام يدەيالار تابۋعا, ۆيدەو جاساۋعا, مونتاجداۋعا, ءوز شىعارماشىلىق ويلارىڭىزدى جۇزەگە اسىرۋعا مۇمكىندىك بەرە­تىن كوپتەگەن قۇرال بار. بۇل ستار­تاپتارعا بيزنەس ستراتەگيالارىن جەتىلدىرىپ, نارىقتا تانىلۋعا جول اشادى. ال «TikTok» ستارتاپ اكادەمياسى اياسىندا قاتىسۋشىلار وزدەرىنىڭ بيزنەس ستراتەگيالارىن تانىستىرىپ, جاڭا اۋديتوريا­عا قول جەتكىزۋگە, تابىس تابۋعا «TikTok» مۇمكىندىگىن قولدانۋدى ۇيرەنەدى», دەدى ول.

بۇل جوبانى «TikTok» «Astana Hub» ورتالىعىمەن بىر­لەسىپ جۇ­زەگە اسىرىپ وتىر. ور­تا­لىق دي­رەكتورى ماعجان ماديەۆ «TikTok»-تىڭ ستارتاپتار اكا­دەميا­سىمەن ۇزاقمەرزىمدى سەرىك­تەستىگىنىڭ ماڭىزىن اتاپ ءوتىپ, بۇل ىنتىماقتاستىقتىڭ ايماقتىق IT-سالاسىنىڭ دامۋىنا زور ىقپال ەتكەنىن ايتتى.

ء«بىز «TikTok» كومپانياسى­مەن ۇزاق ۋاقىتتان بەرى سەرىكتەس رەتىندە جۇمىس ىستەپ كەلەمىز. «Astana Hub»-تىڭ باستى مىن­دە­تى – IT-جوبالاردى دامىتۋ. وسى­عان بايلانىستى ءبىزدىڭ كا­سىپ­­كەرلەرىمىزدىڭ ەڭ ماڭىزدى ماق­­ساتى – تۇتىنۋشىلاردى تارتۋ. ال «TikTok» – بۇگىنگى تاڭدا الەمدەگى ەڭ ءىرى ءارى قارقىندى دامىپ كەلە جاتقان تسيفرلىق پلاتفورما. وتكەن جىلى مەملەكەت باسشىسى مەن «TikTok»-تىڭ باس دي­رەكتورى شوۋ تسزى چۋ كەزدەس­كەن. وسىدان كەيىن «TikTok» كوم­­پا­نياسى استانادا ءوز كەڭسە­سىن اشقان بولاتىن. سونداي-اق سول كەز­دە «TikTok» ستارتاپ اكا­دە­­­ميا­سىن باستادىق. الداعى ۋاقىت­تا ءبىلىم باعدارلامالارى بو­يىن­شا بىرلەسىپ جوبا جاساۋدى جوس­­­پار­لاپ وتىرمىز», دەدى م.ماديەۆ.

«TikTok Startup Academy» العاش رەت 2022 جىلى ەلىمىزدە باستاۋ العان. العاشقى ماۋ­سىم­دا 286 ءوتىنىمنىڭ ىشىنەن 56 ستارتاپ ىرىكتەلىپ, ونىڭ 9-ى گرانتقا يە بولعان. ەكىنشى ماۋسىمدا باعدارلاما وزبەكستان مەن ازەربايجاندى قامتىپ, 16 ستارتاپتى وقىتىپ, 6 جوباعا قولداۋ كورسەتتى. بيىل 4 ەلدەن 176 ءوتىنىم ءتۇسىپ, ولاردىڭ ىشىنەن ەڭ ۇزدىك 40 جوبا تاڭدالىپ الىنعان. يۋ.كۋشنير ۇزدىك جوبالار بيىل دا قارجىلاي گرانتقا يە بولاتىنىن ايتتى.

«بىزگە ءتورت ەلدەن, اتاپ ايت­قاندا, قازاقستان, وزبەك­­ستان, قىر­عىزستان, ازەر­باي­جان­نان 40 ستارتاپ كەلىپ وتىر. ولار «Pitch» سەسسيا­سىنا قاتى­سىپ, «TikTok»-تا بيزنەسىن ىلگە­­رى­لەتۋ ستراتەگيا­لارىن قور­عاپ, تالقىلايتىن بو­لادى. ءىس-شارا ناتي­جە­سىن­دە 10 جە­ڭىمپازدى انىق­­­تالىپ, ارقاي­سىسىنا «TikTok for Business» پلاتفورماسىندا جار­ناما جاساۋىنا 3 000 دوللار كولە­­مىندە گرانت تابىستالدى. جال­پى, گرانت قورى 30 000 دوللار­دى قۇرايدى», دەدى ول.

قاتىسۋشىلاردىڭ كوپشىلىگى جا­ساندى ينتەللەكت, ءبىلىم, تۋريزم, فينتەح, مادەنيەت سالالا­رىنا قاتىستى جوبالاردى تانىس­تىردى. جاساندى ينتەللەكت سالا­­سىنداعى ستارتاپتار جاڭا تەح­نولو­گيالاردى قولدانا وتىرىپ, ونىمدەرى مەن قىزمەتتە­رىن جە­تىلدىرۋگە ۇمتىلسا, ءبىلىم جوبالارى جاستارعا ار­نال­عان جاڭا فورماتتاعى كونتەنت ازىرلەۋگە كۇش سالىپ جاتىر. سونىمەن قاتار تۋريزم سالا­سىنداعى ستارتاپتار ءتۋ­ريزم­دى تسيفرلاندىرۋ باعىتىن ۇس­تان­عان. ال قارجى تەحنولوگيا­سى سا­لا­سىنداعى قاتىسۋشىلار ەكو­­نوميكانى تسيفرلاندىرۋ, قار­جىلىق قىزمەتتەردى جەتىلدىرۋ ماق­ساتىندا جوبالار ۇسىنعان. ولار «TikTok» پلاتفورماسىن پايدالانۋ ارقىلى ولار ءوز قىز­مەتتەرىن حالىقارالىق نارىققا شىعارۋدى كوزدەپ وتىر.

ماسەلەن, بۇعان دەيىنگى قاتى­سۋشىلار اراسىندا بولعان «تاس­تامات» ستارتاپ جوباسى «TikTok» پلات­فورماسى ارقىلى ۇلكەن جە­تىس­تىكتەرگە جەتىپ, جاقسى ناتيجە كورەتكەن. ولار از ۋاقىتتىڭ ىشىن­دە «TikTok»-تا 8000-نان استام جاڭا وقىرمان جيناپ, تابىسىن 30 پا­يىزعا ارتتىرعان. بۇل «TikTok» پلاتفورماسىنىڭ شاعىن جانە ورتا بيزنەس ءۇشىن تيىمدىلىگىن دالەلدەيدى.

«TikTok» ستارتاپ اكادەمياسى باعدارلاماسىنىڭ قورىتىندى بريفينگىنە قاتىسقان ماعجان ماديەۆ, اكادەميانىڭ باستى ماق­ساتىن ءتۇسىندىردى.

ء«ىس-شارانىڭ باستى ماقساتى – «TikTok» ستارتاپ اكا­دە­ميا­سى باعدارلاماسىنىڭ قورى­تىن­دى­سىن شىعارۋ. ءبىز جوبا اياسىن­دا قاتىسۋشىلارعا «TikTok» پلات­فورماسىن قالاي قولدانۋ­دى ۇي­رەت­تىك. ءاربىر IT-بيزنەسكە بۇل وتە ما­ڭىزدى. ەندى ولار­دىڭ اراسى­­نان ۇزدىگىن انىقتاي­تىن بولا­مىز», دەدى «Astana Hub» ورتالىعى ديرەكتورى.