استانا. 17 ماۋسىم. الماتى-شىمكەنت تاس جولىندا بولعان كولىك اپاتىنان قازا تاپقانداردىڭ سانى 14-كە جەتتى. بۇل تۋرالى وڭتۇستىك قازاقستان وبلىستىق پروكۋراتۋراسىنىڭ ءباسپاسوز قىزمەتى حابارلادى.
ايتا كەتەيىك, كەشە, ياعني, 16 ماۋسىم كۇنى ساعات 12:10 شاماسىندا الماتى-شىمكەنت-تاشكەنت-تەرمەز تاس جولىنىڭ 678-شاقىرىمىندا مەrsedes sprinter ءاۆتوموبيلى مەن نوwo جۇك كولىگى سوقتىعىستى. اپات سالدارىنان 8 ادام وقيعا ورنىندا كوز جۇمدى. ونىڭ بىرەۋى 7-8 جاسار بالا ەكەنى بەلگىلى بولدى.
سونداي-اق, 13 ادام اۋرۋحاناعا جەتكىزىلدى. ولاردىڭ اراسىندا ميكرواۆتوبۋستىڭ جۇرگىزۋشىسى مەن تاعى 3 بالا بار. وكىنىشكە قاراي, اۋرۋحانادا زارداپ شەككەندەردىڭ 6-ۋى قايتىس بولدى.
مەrsedes sprinter كولىگىندە جۇرگىزۋشىنى قوسقاندا 21 ادام بولعان. ونىڭ بەسەۋى بالا جانە ەكەۋى وزبەكستان ازاماتى. بۇگىنگى تاڭدا اپاتقا ۇشىراعانداردىڭ اتى-جوندەرى انىقتالدى. قايتىس بولعان 14 ادامنىڭ بىرەۋى بالا جانە بىرەۋى وزبەكستان ازاماتى.
قازىر بۇل دەرەك سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. ودان بولەك, قازاقستان رەسپۋبليكاسى قىلمىستىق كودەكسىنىڭ 345-بابى, 4-تارماعى بويىنشا سوتقا دەيىنگى تەرگەۋ جۇمىستارى باستالىپ كەتتى. الدىن الا بەلگىلى بولعان مالىمەتتەرگە سۇيەنسەك, جول-كولىك وقيعاسى ميكرواۆتوبۋس جۇرگىزۋشىسىنىڭ قاتەلىگىنەن بولعان. ول الدىندا تىركەمەسىمەن كەتىپ بارا جاتقان اۋىر جۇك كولىگىن جانارماي قۇيۋ بەكەتىنىڭ ماڭىندا باسىپ وزعىسى كەلگەن. الايدا, بۇل ارەكەتىنىڭ سوڭى قايعىلى جاعدايعا دۋشار ەتتى.
تالعات رايىمبەك.
دەرەك: وڭتۇستىك قازاقستان وبلىستىق پروكۋراتۋراسىنىڭ ءباسپاسوز قىزمەتى.
سۋرەت: auto.kz.