اقتاۋ. 17 ماۋسىم. اقتاۋ اۋەجايىندا جولاۋشىلار ۇشاعى ورتەندى. بۇل تۋرالى egemen.kz ءتىلشىسى حابارلادى.
SCAT كومپانياسىنا ءتيىستى جولاۋشىلار ۇشاعى استانا قالاسىنان اقتاۋ اۋەجايىنا كەلىپ قونعان. كەستەگە ساي ۇشىپ, ۋاقىتىندا قونعان ۇشاقتان ەشقانداي تەحنيكالىق اقاۋلار بايقالماعان. مامانداردىڭ بولجامىنشا, ءورت ۇشاق بورتىنداعى كيسلورود باللونىنىڭ جارىلۋ سەبەبىنەن پايدا بولعان.
«جولاۋشىلار ۇشاقتان كەستەگە ساي تۇسىرىلگەن سوڭ, بورتتا تەحنيكالىق قىزمەت كورسەتۋ جۇمىستارى باستالدى. وسى كەزدە سالوندا ءورت تۇتاندى. اۆياكومپانيا ءتىلسىز جاۋدىڭ شىعۋ سەبەبىن انىقتايتىن بولادى», – دەيدى كومپانيانىڭ جۇرتشىلىقپەن بايلانىس ءبولىمىنىڭ وكىلى ۆ.ۋليانوۆا.
ۇشۋ جولاعىندا تۇرعان ۇشاق «مينەرالنايا ۆودا» باعىتىندا ساپارعا شىعۋى ءتيىس بولاتىن.
گۇلايىم شىنتەمىرقىزى.
دەرەك: egemen.kz.
سۋرەت: lada.kz.