كەشە قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارلارى, پارلامەنت ءماجىلىسىنىڭ دەپۋتاتى ە. تاراسەنكو مەن ورتالىق سايلاۋ كوميسسياسىنىڭ مۇشەسى ل.سۇلەيمەن قاراعاندى, تەمىرتاۋ قالالارىندا جۇمىس ساپارىمەن بولدى.
ۇلتتىق كوميسسيا وكىلدەرى وبلىس اكىمى نۇرمۇحامبەت ءابدىبەكوۆپەن اڭگىمەلەسۋدە وڭىردەگى ايەلدەردىڭ قوعامدىق-ساياسي جۇمىستارعا, ەكونوميكا سالاسىنا قاتىسۋى, مەملەكەت باسشىسىنىڭ دامۋدى ودان ءارى نىعايتۋ ءۇشىن بەلگىلەگەن بەس ينستيتۋتتىق رەفورماسىن جۇزەگە اسىرۋداعى ۇلەسى تۋرالى ماسەلەلەردى تالقىلادى.
ايماق باسشىسىمەن كەزدەسۋدەن سوڭ وبلىس اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ كەڭەيتىلگەن وتىرىسى ءوتتى. وندا سەلەكتورلىق رەجىمدە قالالار مەن اۋداندار اكىمدەرىنىڭ ورىنباسارلارىمەن كۇن تارتىبىندەگى ماسەلە بويىنشا كەلەلى اڭگىمە قوزعالدى. وتىرىستى اشقان ەلەنا تاراسەنكو ءوز سوزىندە «ەلباسىنىڭ «نۇرلى جول – بولاشاققا باستار جول» جولداۋىندا العا قويىلعان باسىم باعىتتاردى, سونداي-اق, بەس ينستيتۋتتىق رەفورما مىندەتتەرىن ورىنداۋعا قازاقستاندىق ايەلدەر دە بەلسەنە اتسالىسۋدا دەپ نىق سەنىممەن ايتا الامىز. ءبىزدىڭ نەگىزگى جۇمىسىمىز وسى باعىتتاعى وڭىرلىك دەيگەيدەگى ءىس-شارالاردى كۇشەيتۋگە ارنالادى. بۇلار ولاردىڭ جۇمىسقا ورنالاسۋىن قامتاماسىز ەتۋ, كاسىپكەرلىگىن قولداۋ, بيزنەستىڭ جاۋاپكەرشىلىگىن ارتتىرۋ, جاڭا ەكونوميكالىق ساياسات اياسىندا ينفراقۇرىلىمدىق جوبالارعا كەڭىنەن قامتۋ بولىپ تابىلادى», دەدى. ال ءلاززات سۇلەيمەن ايەلدەرمەن ناقتى جۇمىس ىستەۋدى كۇشەيتۋ, ولاردىڭ مۇددە-تىلەكتەرىن ءبىلۋ, وعان بيلىكتىڭ نازارىن اۋدارۋ, تۇرمىسى قولايسىز توپپەن تىكەلەي بايلانىس جاساۋ, قوعامدا ورىن الاتىن تەرىس فاكتورلاردىڭ (بالالارعا زورلىق-زومبىلىق جانە قاتىگەزدىك كورسەتۋ, وزىنە ءوزى قول جۇمساۋ, نەكەگە ەرتە وتىرۋ, جاسوسپىرىمدىك جۇكتىلىك, ت.ب) الدىن الۋ ءۇشىن جۇمىس پارمەندىلىگى مەن تيىمدىلىگىن جاقسارتۋ كەرەكتىگىن ايتتى.
وتىرىستا وبلىستىق دەنساۋلىق ساقتاۋ, ءبىلىم باسقارمالارىنىڭ ەسەپتەرى تىڭدالدى.
جۇمىس ساپارى بارىسىندا قاراعاندى جانە تەمىرتاۋ قالالارىنداعى «قاراعاندى ءۇي كومبيناتى» جشس-ىندە «شاپاعات» بالالار ۇيىندە, ومىردە قيىن جاعدايعا تاپ بولۋشى ايەلدەرگە ارنالعان «موي دولگ» داعدارىس ورتالىعىندا كەزدەسۋلەر ءوتتى.
ايقىن نەسىپباي,
«ەگەمەن قازاقستان».
قاراعاندى وبلىسى.