شىعىس قازاقستان وبلىسى بويىنشا سىبايلاس جەمقورلىققا قارسى قىزمەت وتاندىق ساڭىراۋلار قوعامىنىڭ «شىعىس» كورپوراتيۆتىك قورى باسشىسىنىڭ الاياقتىق جاساعانىن اشكەرەلەدى, دەپ حابارلايدى Egemen.kz سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە جاساپ.
«ول مۇگەدەكتەرگە ىمداۋ ءتىلى ماماندارى سۋردواۋدارما قىزمەتتەرىن كورسەتتى دەپ ءوز كارتوچكالىق شوتىنا 115 ملن تەڭگە سوماسىندا بيۋدجەت قاراجاتىن اۋدارىم جاساۋ ارقىلى يەمدەندى دەگەن كۇدىككە ىلىنگەن», دەلىنگەن حابارلامادا.
اتالعان ءىس بويىنشا تەرگەۋ امالدارى ءالى دە جالعاسىپ جاتىر. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتىلمەيدى.ۆەدومستۆو كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەتىنىن ەسكە سالدى.