شەبەرلىك ءدارىسىن تىڭدادى

بيىل العاش رەت ۇيىم­­­­داس­­تىرىلىپ وتىر­­­عان يگى ءىس-شا­­را­­نىڭ ماق­سا­تى – جاس مامان­دارعا يننو­ۆا­­تسيا­لىق ءبىلىم ورتاسىن قۇرۋ­عا كومەك بەرۋ, كاسىبي دامۋى­نا ىقپال ەتۋ. سونداي-اق پەدا­گوگ­تەردىڭ شىعار­ماشىلىق قابىلەتىن, سىني ويلاۋىن, ەموتسيالىق ينتەللەكتىنى دامىتۋ, زاماناۋي وقىتۋ قۇرالدارى مەن ادىستەرىن ۇيرەتۋ.

فەستيۆال بارىسىندا بى­لىك­تى پە­دا­گوگتەر مەن ادىس­كەر­لەر «پە­دا­­گو­­گيكالىق ءوزارا ارەكەت­تەس­تىك­تەگى ەمپاتيا, سىنىپتا قو­لاي­­لى اتموسفەرا قۇرۋ», «Ideal Ustaz» تاقىرىبىندا ترەنينگ وتكىزدى. ءىس-شارا ءارى قاراي «شىعار­ما­شىلىق ءتاسىل, شىعارما­شى­لىق­تى ساباققا كىرىكتىرۋ» «تاپ­سىر­مالار جاساۋ ءۇشىن جاساندى ين­تەل­لەكت قۇرالدارىن پايدالانۋ», «ديزايندىك ويلاۋ», «وقۋ ۇدە­رى­سىندەگى جاساندى ينتەللەكت: زاما­ناۋي تەحنولوگيالارمەن پراك­تي­كالىق قۇرالدار» تاقىرى­بىن­­­دا­عى شەبەرلىك ساعات­تا­رىمەن جال­عاستى.

جوباعا باستاماشى بولىپ وتىرعان ادىستەمەلىك ورتالىق­تىڭ ادىسكەر مامانى سايات مانار­بەك­­ ۇلىنىڭ ايتۋىنشا, فەستيۆال جىل سايىن جالعاسىن تاۋىپ وتىرماق.

– فەستيۆال بيىل ءبىرىنشى رەت ۇيىمداستىرىلدى. بۇعان تەك استانا قالاسىنداعى ەڭبەك جولىن ەندى باستاعان مۇعالىمدەر قاتىسىپ جاتىر. ايتا كەتەيىن, وسى جىلى ەلوردادا 423 مامان مەكتەپكە جاڭادان قابىلدانعان. قالالىق مەكەمە بولعاندىقتان, تەك استانا­داعى جاس مامانداردى قام­تىدىق. ال ەگەر جوبا مينيسترلىك تاراپىنان قول­داۋ تاۋىپ جاتسا, رەسپۋب­ليكالىق دەڭگەيدە دە ۇيىمداستىرۋعا مۇددەلىمىز. جالپى, فەستي­ۆالدى جىل سا­يىن ۇيىمداس­تىرۋدى جوسپارلاپ وتىرمىز. ويتكەنى جاس مامانداردى قولداۋدىڭ ماڭىزى زور. ولارعا باعىت-باعدار بەرۋىمىز كەرەك. مۇعالىم بىلىكتى بولسا, ءبىلىم ساپاسى دا جوعارى. فەستيۆال اياسىندا جاس مامانداردىڭ تاجىريبە الماسۋىنا, بىرلەسىپ جوبالار جاساۋىنا ىقپال ەتۋ ارقىلى كاسىبي قاۋىمداستىق قۇرعى­مىز كەلەدى. سونىمەن قاتار مۇعالىمدەرگە يننوۆاتسيالىق پەداگوگيكالىق تاسىلدەر مەن تەحنولوگيالاردى ۇيرەتە وتىرىپ, ءوز ساباقتارىنا زاماناۋي وقىتۋ قۇرالدارىن, ادىستەرىن ەنگىزۋگە ىنتالاندىرۋدى ماقسات ەتەمىز. ەگەر مۇعالىم جاڭا يدەيالاردى ىسكە اسىرىپ, شىعارماشىلىق تۇرعىدا بەل­سەندى بولسا, وقۋشىلاردىڭ دا بىلىم­گە قۇشتارلىعى ارتادى. مۇعالىمدەردىڭ كاسىبي دەڭ­گەيىن كوتەرۋ ارقىلى ەلى­مىز­­دەگى ءبىلىم ساپاسىن جاق­سار­تۋ­عا بولادى,– دەيدى ادىسكەر مامان.

ءىس-شارا بارىسىندا جاس پەداگوگتەر قازاقستان رەسپۋبلي­كاسىنىڭ ەڭبەك سىڭىرگەن ۇستازى كۇشاي تەردىكباەۆپەن TedX فورماتىندا سۇحبات قۇردى. ارداگەر ۇستاز ولارعا قولداۋ ءبىلدىرىپ, ءبىلىم سالاسىن دامىتۋ باعىتىندا اقىل-كەڭەسىن ايتتى.

فەستيۆال سوڭىندا جاس ماماندار وسىنداي پايدالى الاڭدى ۇيىمداستىرعانى ءۇشىن ورتالىق ۇجىمىنا, باسقا دا جاۋاپتى ماماندارعا العىسىن ءبىلدىردى.

قاسىم قايسەنوۆ اتىنداعى №27 مەكتەپ-ليتسەيدىڭ اعىل­شىن ءتىلى ءپانىنىڭ مۇعالىمى نۇرالى ورىن­­باساروۆ تاجىري­بەلى ما­مان­داردىڭ جاس مۇعا­لىم­­­دەرگە جا­نا­شىرلىق تانىتۋى اسا ماڭىز­­دى ەكەنىن اتاپ ءوتتى.

– مەن وسى جىلى وقۋ ءبىتىرىپ, مەكتەپتە ەڭبەك جولىم­دى باس­تادىم. سوندىقتان بۇل فەستي­ۆالدىڭ ماعان بەرەرى كوپ. قام­تىلعان تاقىرىپتار وتە وزەكتى. سونىڭ بارلىعىن ءوز تاجىريبەمدە جۇزەگە اسىرامىن دەپ وتىرمىن. ترەنينگ بارىسىندا جاساندى ينتەللەكتىنىڭ كومەگى تۋرالى ايتىلدى. قازىر سونىڭ ناتيجەسىندە جۇمىسىمىزدى جەڭىلدەتۋگە بولاتىنىن كورىپ ءجۇر­مىز. بۇنى وقۋشى­لار دا ءتيىم­دى جاعىنان پايدالانا الادى. مى­سالى, مەن «Shyraq» دەگەن جاساندى ينتەللەكت جوباسىن قول­دانا­مىن. مۇندا مۇعالىمدەرگە كەرەك تاقى­رىپتىڭ ءبارى بار. ءارى بۇل – وتان­دىق جوبا, – دەيدى جاس مامان.

ال №79 مەكتەپ-ليتسەيى مۇعا­لىمى نۇر­لان جولداسباەۆتىڭ اي­­تۋىنشا, جاس ماماندار ءاردا­يىم تاجىريبە الماسىپ, ءبىلىمىن جەتىلدىرىپ وتىرۋى كەرەك.

– فەستيۆال ويداعىداي ءوتتى. ءبىرشاما تىڭ اقپارات الدىم. مۇعالىم ۇنەمى جان-جاقتى بولۋى قاجەت. بۇگىندە زامان تالابى سونداي. اسىرەسە ءبىرىنشى بولىمدەگى ەمپاتيا تاقىرىبى قىزىق بولدى. ويتكەنى قازىر وقۋشىلارمەن جۇمىس ىستەۋ كۇردەلى. ال مۇعالىم ءوز بويىن­داعى ەمپاتيا سەزىمىن وياتىپ, ياعني ءوزىن وقۋشىنىڭ ورنىنا قويا وتىرىپ, ءوزارا جاقسى بايلانىس ورناتسا, ساباق ءۇردىسى جەڭىلدەي تۇسەدى. سوندىق­تان ءاربىر مۇعالىم ەمپاتيا سەزىمىن كاسىبي دەڭگەيدە جەتىلدىرۋگە ءتيىس. وسى العان تاجىريبەمدى الداعى ۋاقىتتا ساباقتارىمدا قولدانامىن, – دەيدى پەداگوگ ن.جولداسباەۆ.