دزيۋدو كۇرەسىنەن قازاقتان شىققان تۇڭعىش وليمپيادا چەمپيونى ەلدوس سمەتوۆ رەسپۋبليكالىق رەفەرەندۋمدا ءوز تاڭداۋىن جاساۋ ءۇشىن داۋىس بەرۋ ۋچاسكەسىنە كەلدى.
تاراز قالاسىندا ورنالاسقان №82 رەفەرەندۋم ۋچاسكەسىنە كەلگەن وليمپيادا چەمپيونى ساياسي ناۋقان تۋرالى ءوز ويىمەن ءبولىستى.
«بۇگىن ەلىمىز ءۇشىن اسا ماڭىزدى كۇن ەكەنى انىق. ساياسي ناۋقاندا ءار ادامنىڭ تاڭداۋى ءوز ەركىندە. وتانداستارىمىز ەلدىڭ ەرتەڭى ءۇشىن داۋىس بەرىپ جاتىر. اەس-ءتىڭ پايداسى بولسا, سالىنۋى ءتيىس, ال زيانى بار بولسا, سالىنباعانى ءجون دەپ ەسەپتەيمىن. نە بولسا دا, ەلدىڭ تاڭداۋىمەن شەشىلەدى. داۋىس بەرۋشىلەر ءوز تاڭداۋىن جاسايدى. تاۋەلسىز ەلدىڭ ەرتەڭى تالقىعا ءتۇسىپ جاتقان رەفەرەندۋمعا بەلسەندى قاتىسۋعا شاقىرامىن. قاراپايىم قازاق بالاسى رەتىندە مەن دە تاڭداۋىمدى جاسادىم. ءار قازاق ماڭىزدى ناۋقاننان تىس قالماعانى دۇرىس», دەدى ول.