قاۋىپسىزدىك شارالارى پىسىقتالدى

مەملەكەتتىك ءورت باقىلاۋ باسقارماسىنىڭ باسشىسى كونستانتين كانين بۇل شارالار «قاۋىپسىزدىك ءۇشىن – بىرگە», «كومەك قولى» دەگەن اتاۋعا يە ەكەنىن ايتا كەلىپ, بىلتىرعى جىلىتۋ ماۋسىمىندا تۇرعىن ءۇي سەكتورلارىندا 231 ءورت شىققانىن, 6 ادام كومىرتەگى توتىعىمەن, تاعى 5 ادام تابيعي گازبەن ۋلانعانىن ەسكە سالدى.

ء«بىرىنشى كەزەكتە مۇق­تاج وتباسىلار, سونداي-اق قارت ادامدار جالعىز تۇراتىن ۇيلەر تەكسەرىلەدى. ءبىزدىڭ ەرەكشە باقىلاۋىمىزدا كومىرمەن جىلىتىلاتىن 727 جەكە ءۇي بار. بۇل جۇمىسقا جەكە قۇرامنىڭ 100-دەن استام ادامى جۇ­مىلدىرىلعان. ۇيلەردى تەكسەرۋ قورى­تىندىسىنا سۇيەنىپ, دە­مەۋشىلىك قا­راجات ەسەبى­نەن كومىرتەگى توتىعى دات­چيكتەرىن ورناتامىز. جالپى, 2018 جىل­دان باستاپ ءحاوت سانا­تىنداعى 1,4 مىڭعا جۋىق وتباسى ءۇيى كومىرتەگى توتى­عى داتچيكتەرىمەن جاب­دىقتال­عان», دەدى ك.كانين.

مامان كومىرتەگى توتى­عىمەن ۋلانۋدىڭ الدىن الۋ شارالارىنا ەرەكشە نازار اۋدارىلاتىنىن اتاپ ءوتتى, ويتكەنى ونى تەك سەن­سورلاردىڭ كومەگىمەن انىقتاۋعا بولادى. 

«كو­مىرتەگى توتىعى تابيعي گاز تولىق جانباعان كەزدە پايدا بولادى. ونىڭ ءتۇسى دە, ءدامى دە, ءيىسى دە جوق بولعاندىقتان, تەك سەنسورلار مەن گاز اناليزاتورلارىنىڭ كومەگىمەن انىقتالادى. قۇ­را­مىندا كومىرتەگى توتى­عى بار اۋانىڭ 2-3 تىنىس الۋى ۋلانۋعا, ودان دا اۋىر زارداپتارعا اكەلەدى», دەيدى مەملەكەتتىك ءورت باقىلاۋ باسقارماسىنىڭ باسشىسى. 

ماماندار ءباسپاسوز جيى­نىندا كومىرتەگى توتى­عىمەن ۋلانۋدىڭ الدىن الۋعا قاتىستى  اقىل-كەڭەستەرىن بەردى.

15 تامىزدان بەرى قالادا حالىقتىڭ الەۋمەتتىك وسال توپتارىنا باعىتتالعان «قاۋىپسىزدىك ءۇشىن – بىرگە», «كومەك قولى» اكتسيالارى جالعاسىن تاۋىپ, 152 911 جەكە تۇرعىن ءۇي ەسەپكە الىندى, ونىڭ ىشىندە قات­تى وتىنمەن جىلىتىلاتىن 727 جەكە ءۇي ەرەكشە باقى­لاۋدا تۇر. تۇرعىن ءۇي ۇيىم­دارىنىڭ (ميب, پيك, ت.ب.) وكىلدەرىمەن بىرلەسىپ جينالىستار وتكىزىلەدى, جىلىتۋ پەشتەرىن پايدالانۋ كەزىندە ءورت قاۋىپسىزدىگى ەرەجەلەرىنىڭ ساقتالۋى تۋرالى سمس حابار تاراتىلادى.

دەگەنمەن تجد تۇرعىن ءۇي سەكتورىندا مەملەكەتتىك ءورت باقىلاۋ قىزمەتى جۇزە­گە اسىرىلمايتىنىن, ءورت قاۋىپسىزدىگىنە ازاماتتار ونى سانالى تۇردە ساقتا­عان جاع­دايدا عانا قول جەتكى­زەتىنىن قاپەرگە سالدى.

«كومىرتەگى توتىعى – ءۇنسىز جان العىش, ول ءيىسسىز, ءتۇسسىز, سوندىقتان ونى تەك داتچيكتەر مەن دابىلداردىڭ, گازدى باقىلاۋ قۇرالدارىنىڭ كومەگىمەن انىقتاۋعا بولادى. كومىرتەگى توتىعىمەن ۋلانۋ كوبىنەسە ءتۇتىن تارتاتىن مۇرجالاردىڭ, جەل ايدايتىن كانالداردىڭ بولماۋى, بايلانىستىرۋشى قۇبىرلاردىڭ تىعىز­دالماۋى, گاز اسپاپتارىن پايدالانۋ كەزىندە تەرە­زەلەردىڭ جابىق بولۋىنان ورىن الىپ جاتادى», دەيدى مەكەمە ماماندارى.

الماتى