پەتروپاۆلدا جانە سولتۇستىك قازاقستان وبلىسى جولدارىندا 11 قىركۇيەكتەن باستاپ ىسكە قوسىلعان «اقىلدى كامەرالار» قۇرىلعىلارى جول ءجۇرىسى قاعيدالارىنىڭ بۇزۋشىلىقتارىن اۆتوماتتى تۇردە تىركەيدى, دەپ حابارلايدى Egemen.kz.
بۇعان دەيىن وبلىستا 2022 جىلى ورناتىلعان 30 قۇرىلعى جۇمىس ىستەپ, سول ۋچاسكەلەردە ادامدار زارداپ شەككەن بىردە-ءبىر جول-كولىك وقيعاسى تىركەلمەپتى. دەمەك, قۇرىلعىلار تيىمدىلىگىن كورسەتكەن. بيىلعى 8 اي بويىنشا اتالعان قۇرىلعىلار وتكەن جىلدىڭ وسى كەزەڭىمەن سالىستىرعاندا ەكى ەسە از بۇزۋشىلىق تىركەگەن.
اپپاراتتىق-باعدارلامالىق كەشەندەردىڭ تيىمدىلىگىنە بايلانىستى جانە ازاماتتاردىڭ وتىنىشتەرىن ەسكەرە وتىرىپ, وبلىستىق پوليتسيا دەپارتامەنتى تاعى 24 قۇرىلعى الىپ, قوزعالىسى كوپ ۋچاسكەلەرگە ورناتىلدى. تاعى 2 كەشەن تەمىر جول وتپەسىندەگى, 3 كەشەن جاياۋ جۇرگىنشىلەر وتكەلىندەگى بۇزۋشىلىقتاردى تىركەيدى, ال 4 كەشەن پاترۋلدىك اۆتوكولىكتەردە قويىلعان.
وبلىس اكىمدىگىنىڭ ءباسپاسوز قىزمەتى مالىمدەگەندەي, قالا سىرتىنداعى جولداردىڭ اپاتتىق قاۋىپتى ۋچاسكەلەرىندە «كوردون.پرو»م اپپاراتتىق-باعدارلامالىق كەشەندەرى جۇمىس ىستەي باستادى. اتالعان قۇرىلعىلار جىلدامدىقتى اسىرۋ, قاۋىپسىزدىك بەلدىگىن تاقپاۋ, كولىك باسقارۋ كەزىندە تەلەفون پايدالانۋ, جول تاڭبالارىنىڭ بۇزۋشىلىقتارىن تىركەيدى.