الماتى وبلىسىنداعى ۇلكەن اقسۋ اۋىلىندا ءسىبىر جاراسىنا بايلانىستى كارانتين ەنگىزىلدى, دەپ حابارلايدى Egemen.kz.
5 قىركۇيەكتە رەسپۋبليكالىق ۆەتەريناريالىق زەرتحانا ەكى باس ىقم سىنامالارىندا ءسىبىر جاراسىنىڭ بولۋىن راستايتىن باكتەريولوگيالىق زەرتتەۋلەردىڭ ناتيجەلەرىن العاندىعى تۋرالى حابارلادى.
الماتى وبلىسىنىڭ اكىمدىگىنىڭ مالىمەتىنشە, ۇلكەن اقسۋ اۋىلىندا ءتىرى مال مەن مال ونىمدەرىن اكەلۋگە جانە ەكسپورتتاۋعا تىيىم سالىنعان.
«اۋماقتىق ۆەتەريناريالىق ينسپەكتسيا جاو ۆەتەريناريالىق دارىگەرلەرىمەن بىرلەسىپ جانۋارلاردى اۋلالىق تەكسەرۋ, ۆاكتسيناتسيالاۋ جانە جانۋارلار يەلەرىمەن ءتۇسىندىرۋ جۇمىستارىن جۇرگىزەدى», دەپ اتاپ ءوتتى اكىمدىكتىڭ ءباسپاسوز قىزمەتى.
ەلدى مەكەنگە دەزينفەكتسيا جۇرگىزۋ ءۇشىن اشم-ءنىڭ رەسپۋبليكالىق ەپيزووتياعا قارسى وتريادى كوشىرىلىپ, قاجەتتى ماماندار مەن ارنايى تەحنيكا شتاتى بار ەكەندىگى بەلگىلى بولدى.
«ول جەردە ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى سامات تولەگەنوۆ ءجۇر.قولدانىستاعى الگوريتمگە سايكەس بارلىق قاجەتتى ۆەتەريناريالىق-سانيتاريالىق شارالار وتكىزىلەدى جانە اۋىل شارۋاشىلىعى مينيسترلىگىنىڭ ەرەكشە باقىلاۋىندا بولادى», دەپ ناقتىلادى قالا اكىمدىگىنىڭ ءباسپاسوز قىزمەتى.