20-30 قىركۇيەك ارالىعىندا الماتى وبلىسىنداعى الەكساندر اسانوۆ اتىنداعى اتۋ كلۋبىندا ستەند اتۋدان ازيا كۋبوگى وتەدى. بۇل تۋرالى ۇلتتىق وليمپيادالىق كوميتەت حابارلادى, دەپ جازادى Egemen.kz.
قۇرلىقتىق باسەكەدە ازيانىڭ 40 ەلىنەن 500-دەن استام سپورتشى جۇلدەگە تالاسادى.
حالىقارالىق تۋرنير اتۋ سپورتىنىڭ تانىمالدىعىن ارتتىرۋ, سپورتشىلاردىڭ سپورتتىق شەبەرلىگىن ارتتىرۋ, سپورتشىلاردىڭ رەيتينگىن انىقتاۋ, جاتتىقتىرۋشىلار مەن تورەشىلەردىڭ كاسىبي بىلىكتىلىگىن ارتتىرۋ ماقساتىندا ۇيىمداستىرىلىپ وتىر.
ايتا كەتەيىك, پاريجدە وتكەن وليمپيادادا وسى سپورت تۇرىنەن ەل نامىسىن ءۇش اتلەت قورعادى. وكىنىشكە قاراي, مەرگەندەر تورتجىلدىقتىڭ باستى دوداسىن جۇلدەسىز اياقتادى.