26-31 تامىز ارالىعىندا رەسەيدىڭ چيتا قالاسىندا «ەۋرازيا كۋبوگى» حالىقارالىق ءتۋرنيرى جالاۋىن تۇرەدى. بىلعارى قولعاپ شەبەرلەرى باق سىنايتىن باسەكەگە ەلىمىزدىڭ جاستار قۇراماسى دا قاتىسادى, دەپ جازادى Egemen.kz.
وسى تۋرنيردە قازاقستان, رەسەي, موڭعوليا, ارمەنيا, وزبەكستان, ازەربايجان, قىرعىزستان, مولدوۆا, ۆەنەسۋەلا, كۋبا, بەلارۋس, تاجىكستان, كورەيا جانە تاعى باسقا ەلدەردەن بوكسشىلار جۇلدەگە تالاسادى.
جاقىندا عانا ەرلەر قۇراماسىنىڭ تىزگىنىن ۇستاعان باس باپكەر قايرات ءساتجانوۆ چيتاعا ارنايى بارىپ, سپورتشىلاردىڭ بابىن باقىلادى.
تورەحان سابىرحان, ءسانجارالى بەگاليەۆ, الەكسەي حاۆانتسەۆ باستاعان كوماندا وسى جەردە ەكى اپتالىق بىرلەسكەن وقۋ-جاتتىعۋ جيىنىن وتكىزدى.
«ەۋرازيا كۋبوگى» حالىقارالىق ءتۋرنيرى قازان ايىندا چەرنوگوريادا وتەتىن الەم چەمپيوناتىنا دايىندىق كەزەڭى بولىپ سانالادى.