تازالىققا تالاپ كۇشەيدى

ەكولوگيالىق مادەنيەت, قور­شاعان ورتانىڭ تازالىعى بۇ­گىندە جاستىڭ دا, كارىنىڭ دە بو­يىندا قالىپتاسىپ كەلەدى. بۇ­عان كوكتەمنەن بەرى جۇيەلى جۇر­گىزىلىپ جاتقان «تازا قازاقستان» اكتسياسىنىڭ دا اسەرى زور بولدى. وسى باستاما باستالعالى بەرى اقجايىق اۋدانىندا ءتۇرلى ءىس-شاراعا 7 800 ادام قاتىسىپتى. ءسويتىپ, اۋداننىڭ ەلدى مەكەن­دەرىندە وتكەن سەنبىلىكتەردە 41 تەحنيكانىڭ كۇشىمەن 85 توننا قاتتى تۇرمىستىق قالدىق دالاعا شىعارىلعان. جىل باسىنان بەرى وڭىردە 2 242 ءتۇپ جاي تەرەك, 4 700 ءتۇپ جەمىس اعاشى ەگىلىپتى.

– بۇل جۇمىس تەك بيىل باستال­عان جوق. 2021-2025 جىلدار ارا­لىعىندا وبلىس ەلدى مەكەندەرىن كوگالداندىرۋ جانە جاسىل ايما­عىن قۇرۋ جوسپارىنا ساي بىلتىر دا 20 138 كوشەت ەگىلگەن ەدى, – دەيدى اقجايىق اۋداندىق تۇرعىن ءۇي-كوممۋنالدىق شارۋاشىلىعى, اۆتوموبيل جولدارى مەن جولاۋ­شى­لار كولىگى ءبولىمىنىڭ باسشىسى ايبەك زامەروۆ.

شىنىندا دا, «تازا قازاقستان» اكتسياسى جاي ۇران ەمەس, ونىڭ استارىندا بارشا ازاماتتىڭ بويىندا ەكومادەنيەتتى قالىپتاستىرۋ, تۇراقتى تازالىققا دەگەن ۇمتىلىس جاتىر. سوندىقتان ەلدى مەكەندەردە تۇرمىستىق قالدىقتى جيناۋ, ۋاقتىلى شىعارۋ ماسەلەسى جۇيەگە ءتۇسۋى كەرەك. ايبەك دامير ۇلىنىڭ ايتۋىنشا, قازىر وكرۋگ ورتالىق­تارىندا قالدىق توگەتىن 18 جەر بەلگىلەنگەن. اۋىلدىق وكرۋگ اكىم­دىكتەرىنىڭ تەڭگەرىمىنە بەرىلگەن بۇل ورىنداردىڭ 11-ءى قورشاۋعا الىنعان.

جاقىندا عانا اقجايىق اۋدا­نىنىڭ ورتالىعىندا قاتتى قال­دىقتى توگەتىن 50 تەمىر كونتەي­نەر جانە پلاستيكالىق قالدىق جي­نايتىن 25 كونتەينەر ساتىپ الى­نىپتى. بۇل توعىز جولدىڭ تورابىندا تۇرعان ءىرى كەنتتىڭ تازالىعىن ساقتاۋعا بارىنشا ىقپال ەتەرى ءسوزسىز. بۇعان دەيىن اۋدان بويىنشا تۇرمىستىق قالدىق توگەتىن 140 تەمىر كونتەي­نەر, پلاستيكالىق قالدىققا ارنالعان 72 كونتەينەر بولعان ەكەن. وسىلايشا, اۋداننىڭ قو­قىس جينايتىن كونتەينەر قورى بىردەن 35-40 پايىزعا جاڭارىپ وتىر.

– ءبىز بۇرىن كونتەينەرلەر­دەگى قوقىستى وسى شارۋاعا وڭتاي­لاندىرىلعان تەحنيكامەن جي­نايتىنبىز. جۋىردا اۋدان ورتا­لىعىنا ارنايى قوقىس تاسيتىن كولىك ساتىپ الدىق. بۇل قوقىس جيناۋشى مەكەمە قىز­مەت­كەرلەرىنىڭ جۇمىسىن مەحانيكالاندىرىپ, قولىن ۇزارتاتىن بولدى, – دەيدى ا.زامەروۆ.

باتىس قازاقستان وبلىسى