قازاقستان قورجىنىنا تاريحي جۇلدەلەر سالعان ناريمان قۇربانوۆ پەن الەكساندرا لە, يسلام ساتپاەۆ ەلگە ورالدى. ولاردى الماتى اۋەجايىنان تۋىستارى, جانكۇيەرلەر مەن باق وكىلدەرى ىستىق ىقىلاسپەن قارسى الدى, دەپ جازادى Egemen.kz.
ەلىمىزگە تاريحي جەڭىس سىيلاعان سپورتتىق گيمناستيكادان وليمپيادا ويىندارىنىڭ «كۇمىس» جۇلدە يەگەرى ناريمان قۇربانوۆ پەن نىسانا كوزدەۋدەن اراعا 28 جىل سالىپ, «قولا» جۇلدەگە يە بولعان قوس وتانداسىمىز الەكساندرا لە مەن يسلام ساتپاەۆقا جينالعاندار زور قۇرمەت كورسەتتى.سپورتشىلار ءوز كەزەگىندە ەل نامىسىن قورعاعان سىندارلى ساتتە قولداۋسىز قالدىرماعان حالىققا العىس ايتتى. ەستەرىڭىزگە سالساق, ناريمان قۇربانوۆ پاريجدە ءوتىپ جاتقان وليمپيادا ويىندارىندا سپورتتىق گيمناستيكانىڭ ات سناريادىنداعى جاتتىعۋدا جوعارى ناتيجەگە قول جەتكىزىپ, كۇمىس مەدالعا قول جەتكىزدى.ال, نىسانا كوزدەۋدەن ەل قورجىنىنا 1996 جىلدان بەرى العاشقى جۇلدەنى سىيلاعان وتانداستارىمىز الەكساندرا لە مەن يسلام ساتپاەۆ پاريج وليمپياداسىنىڭ «قولا» جۇلدەسىن جەڭىپ الدى.