باتىس قازاقستان وبلىسىنىڭ اكىمى ناريمان تورەعاليەۆ «Fatinoglu» تۇرىك حولدينگىنىڭ وكىلدەرىمەن كەزدەسۋ وتكىزدى. بقو اكىمدىگىنىڭ ءباسپاسوز قىزمەتىنىڭ حابارلاۋىنشا, تۇرىك كومپانياسى باتىس قازاقستان وبلىسىنا ينۆەستيتسيا قۇيۋعا مۇددەلى.
وبلىس اكىمدىگىندە وتكەن كەزدەسۋ بارىسىندا باتىس قازاقستان وبلىسى اۋماعىندا جوعارى تەحنولوگيالىق جاڭا ءوندىرىس اشۋ جونىندە ىنتىماقتاستىق مۇمكىندىگى تالقىلاندى.
ناريمان تورەعاليەۆ تالقىلانىپ جاتقان جوبانى جۇزەگە اسىرۋدا وبلىس اكىمدىگى جان-جاقتى قولداۋ كورسەتۋگە دايىن ەكەنىن اتاپ ءوتتى. ءوڭىر باسشىسىنىڭ ايتۋىنشا, قازىردىڭ وزىندە بقو اۋماعىندا تۇرىك كاپيتالى تارتىلعان 7 كاسىپورىن جۇمىس ىستەپ جاتىر ەكەن.
«وڭىرلەرگە ينۆەستيتسيا تارتۋ ماسەلەسى مەملەكەت باسشىسىنىڭ ەرەكشە باقىلاۋىندا تۇر. ءبىزدىڭ وبلىس تۇركيا رەسپۋبليكاسى كومپانيالارىمەن جاقسى قارىم-قاتىناستا. 2023 جىلى وبلىس پەن تۇركيا كومپانيالارى اراسىنداعى تاۋار اينالىمى – 321,5 ملن دوللاردى, ەكسپورت – 303,4 ملن دوللاردى, يمپورت 18 ملن دوللاردى قۇرادى. ءبىزدىڭ وبلىستا جوعارى تەحنولوگيالىق جاڭا ءوندىرىس قۇرۋ جونىندەگى باستاماڭىزدى جۇزەگە اسىرۋعا مۇددەلىمىز. ءبىز ءوز تاراپىمىزدان سىزدەردىڭ يدەيالارىڭىزدى جۇزەگە اسىرۋ ءۇشىن جان-جاقتى قولداۋ كورسەتۋگە دايىنبىز», دەدى وبلىس اكىمى.
ءوڭىر باسشىسى سونداي-اق تانىمال حولدينگتىڭ اقجايىققا كەلۋى جاڭا تەحنولوگيالاردى ترانسفەرتتەۋ, جاڭا جۇمىس ورىندارىن قۇرۋ تۇرعىسىنان ءمانى زور ەكەنىن, بۇل جالپى ايماق ەكونوميكاسىنا وڭ اسەر ەتەتىنىن اتاپ ءوتتى.ايتپاقشى, «Fatinoglu» حولدينگى الەمدىك نارىقتا سانتەحنيكا مەن رادياتور شىعاراتىن ءىرى وندىرۋشىلەرىنىڭ ءبىرى رەتىندە تۇركيانىڭ ەكسپورتتاۋشى كومپانيالارىنىڭ توپ رەيتينگىنە كىرەدى.
باتىس قازاقستان وبلىسى