قاراعاندى وبلىسىندا جازعى ۋاقىتتا بالالاردىڭ قاۋىپسىزدىگىن قامتاماسىز ەتۋ شارالارى كۇشەيتىلگەن. وبلىستا 10 ءموبيلدى توپ جۇمىس ىستەپ, سۋ قويمالارىندا قۇتقارۋشىلار مەن ينسپەكتورلار كەزەكشىلىك اتقارىپ جاتىر. سوعان قاراماستان بالالاردىڭ قاتىسۋىمەن بولاتىن قايعىلى وقيعالار تىركەلگەن, دەپ حابارلايدى Egemen.kz.
سۋداعى قاۋىپسىزدىكتى قامتاماسىز ەتۋ ءۇشىن قاراعاندى وبلىسىندا 10 ءموبيلدى توپ قۇرىلىپ, تەحنيكا مەن ءجۇزۋ قۇرالدارى دايىندالعان. سونىمەن قاتار ءوڭىردىڭ ءبىلىم باسقارماسى لاگەر اۋماقتارىندا ورناتىلاتىن مودۋلدىك-قاڭقالى باسسەيندەردى ساتىپ العان.
قاۋىپسىزدىك شارالارى قامتاماسىز ەتىلگەنىمەن جاز مەزگىلىنىڭ باسىنان بەرى بۇقار جىراۋ اۋدانىندا كامەلەتكە تولماعان ەكى قىز نۇرا وزەنىنە باتىپ كەتكەن. انىقتالعانداي, جاسوسپىرىمدەر تىيىم سالىنعان جەردە سۋعا تۇسكەن.
وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە دەمالىس كەزىندە بالالاردىڭ قاۋىپسىزدىگىن قامتاماسىز ەتۋ ماسەلەسى تالقىلانعان.
«1 مامىردا توتەنشە جاعدايلار قىزمەتىنىڭ بولىمشەلەرى اۋقىمدى پروفيلاكتيكالىق جۇمىستاردى باستادى. پوليتسەيلەرمەن بىرلەسىپ, سۋ قويمالارىندا 1300-دەن استام رەيد, تۇرعىندارمەن 50 مىڭعا جۋىق پروفيلاكتيكالىق اڭگىمەلەسۋلەر جۇرگىزىلدى. سۋداعى قاۋىپسىزدىكتى قامتاماسىز ەتۋ ءۇشىن 96 ادامنان تۇراتىن 10 ءموبيلدى توپ, 20 تەحنيكا جانە 25 سۋ كولىگى دايىندالدى. جۇمىسپەن قامتۋ ورتالىقتارى ارقىلى بىزگە كومەكتەسۋ ءۇشىن 82 قوعامدىق قۇتقارۋشى وقىتىلدى. ءبىز اتا-انالاردى بالالارىن سۋ ايدىندارىنا جالعىز جىبەرمەۋگە, جاعاجايدا باقىلاپ وتىرۋعا جانە ۇيدە قاراۋسىز قالدىرماۋعا شاقىرامىز. سونداي-اق جىل باسىنان بەرى 14 بالا كوپقاباتتى ءۇيدىڭ تەرەزەسىنەن قۇلاعان», دەدى قاراعاندى وبلىسى تجد توتەنشە جاعدايلاردى جويۋ ءبولىمىنىڭ باستىعى نۇرجان جاقاتاەۆ.
قايعىلى وقيعالاردىڭ الدىن-الۋ ماقساتىندا وبلىستىق ءبىلىم باسقارماسى مودۋلدىك رامالىق باسسەيندەر ساتىپ العان. ولار مەكتەپ جانە ساياجاي لاگەرلەرىنىڭ اۋماقتارىندا ورناتىلعان. سونداي-اق جەرگىلىكتى ۇستازدار مەن تاربيەشىلەر العاشقى مەديتسينالىق كومەك كورسەتۋ ەرەجەلەرىن ۇيرەنگەنى اتاپ ءوتىلدى.
«9 ساياجاي لاگەرىندە 7 مىڭعا جۋىق بالا ساۋىعىپ, تاعى 32 مىڭ بالا تاماقتاندىرىلعان مەكتەپ جانىنداعى لاگەرلەردە جانە 110 مىڭ بالا تاماقسىز لاگەرلەردە ەمدەلەدى. مۇعالىمدەرگە كومەكتەسۋ ءۇشىن پەداگوگيكالىق ۇجىمداردان 200 ستۋدەنت تارتىلدى. جاز مەزگىلىندە بارلىق وبلىستار مەن قالالاردا «قاۋىپسىز جاز», «قاۋىپسىز اتتراكتسيون», «قاۋىپسىز لاگەر» پروفيلاكتيكالىق اكتسيالارى ءوتىپ جاتىر. وڭىردە 10 ءمودۋلدى قاڭقالى باسسەين ورناتىلدى», دەدى بريفينگتە ءبىلىم باسقارماسىنىڭ باس مامانى سارقىت ۇسەنوۆا.
سونىمەن قاتار مەكتەپ جانە ساياجاي لاگەرلەرىنىڭ قىزمەتكەرلەرى كامەلەتكە تولماعاندار اراسىنداعى قىلمىستىڭ الدىن الۋ جانە جازعى ۋاقىتتا قاۋىپسىزدىكتى قامتاماسىز ەتۋ بويىنشا سەمينارلارعا قاتىسقاندارى اتاپ ءوتىلدى.
جازعى دەمالىستىڭ سوڭىنا دەيىن وبلىس بويىنشا 160 مىڭ وقۋشىنى دەمالىسپەن قامتۋ كوزدەلگەن.