2024 جىلعى 1 قىركۇيەكتەن باستاپ كوللەدجدەر مەن جوو ستۋدەنتتەرىنە تولەنەتىن شاكىرتاقى مولشەرى ارتادى. ءتيىستى قاۋلىعا ۇكىمەت باسشىسى ولجاس بەكتەنوۆ قول قويدى, دەپ جازادى Egemen.kz.
كوللەدج ستۋدەنتتەرى ءۇشىن شاكىرتاقى 50%-عا ارتىپ, جۇمىسشى ماماندىقتارى بويىنشا - 43 574 تەڭگە, ورتا بۋىن ماماندارى ءۇشىن 41 896 تەڭگە بولادى.
باكالاۆريات ستۋدەنتتەرىنىڭ ستيپەندياسى 20%-عا ارتىپ, 47 135 تەڭگەگە, ال پەداگوگيكا جانە مەديتسينا باعىتتارىنداعى ءبىلىم الۋشىلاردىڭ ستيپەندياسى 75 600 تەڭگەگە ۇلعايادى.
ينتەرناتۋرادا وقيتىندارعا ستيپەنديا - 85 376 تەڭگە, ال رەزيدەنتۋرادا ءبىلىم الۋشىلار ءۇشىن 123 122 تەڭگە كولەمىندە شاكىرتاقى تولەنەدى.
ماگيسترانتتار مەن دوكتورانتتارعا ستيپەنديا 15%-عا ۇلعايتىلادى. ونىڭ مولشەرى تيىسىنشە 107 061 تەڭگەنى جانە 240 000 تەڭگەنى قۇرايدى.
سونداي-اق 2025 جىلعى 1 قىركۇيەكتە باكالاۆريات ستۋدەنتتەرىنىڭ شاكىرتاقىسى 20%-عا, ماگيسترانتتار مەن دوكتورانتتاردىڭ ستيپەندياسى 15%-عا ارتادى.
ايتا كەتەيىك, پرەزيدەنت تاپسىرماسى اياسىندا 2020 جىلدان باستاپ شاكىرتاقى مولشەرىن ارتتىرۋ بويىنشا جوسپارلى جۇمىس جۇرگىزىلىپ جاتىر. سونىڭ ناتيجەسىندە 2025 جىلعا قاراي جوو مەن كوللەدج ستۋدەنتتەرىنىڭ شاكىرتاقىسى ەكى ەسەگە, ماگيسترانتتار مەن دوكتورانتتاردىڭ شاكىرتاقىسى 1,75 ەسەگە وسەدى دەپ بولجانىپ وتىر.