مەملەكەت باسشىسى 2023 جىلى 12 قىركۇيەكتە وتاندىق بيزنەس وكىلدەرىمەن كەزدەسۋدە دەربەس كاسساتسيالىق ساتى قۇرۋ ماسەلەسى بويىنشا زاڭگەرلەر جانە كاسىپكەرلەر قاۋىمىمەن كونسۋلتاتسيالار وتكىزۋ قاجەتتىلىگىن اتاپ ءوتتى. وسىعان وراي زاڭ جوباسى اياسىندا قپك, اپك, ارپك دەربەس كاسساتسيالىق سوتتاردى قۇرۋعا بايلانىستى ءتيىستى تۇزەتۋلەر ەنگىزىلەدى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
جاڭا رەداكتسياعا سايكەس جوعارعى سوتتىڭ ءرولى وزگەرەدى. سوت تورەلىگىن تەك جەرگىلىكتى جانە كاسساتسيالىق سوتتار عانا جۇزەگە اسىرادى. جوعارعى سوتتىڭ نەگىزگى ماقساتى سوت تاجىريبەسىن ناقتىلاۋ جانە بىركەلكىلىگىن قامتاماسىز ەتۋ بولادى.وسىعان بايلانىستى جوعارعى سوت سۋدياسىنىڭ باستاماسى بويىنشا جوعارى سوت ورگانى جەرگىلىكتى سوتتاردىڭ شەشىمدەرىن ەرەكشە جاعدايلاردا (ەگەر سوت تاجىريبەسىنە قايشى كەلەتىن شەشىمدەر قابىلدانسا نەمەسە قۇقىقتى دامىتۋ مۇددەسىندە قايتا قاراۋدى تالاپ ەتسە) قايتا قارايدى. سونداي-اق جوعارعى سوت توراعاسىنىڭ وكىلدىگى ينستيتۋتىن جويۋ ۇسىنىلىپ وتىر.