اتىراۋ. 16 قاڭتار. اتىراۋ وبلىسىنىڭ ماقات اۋدانىندا جەرگە قاتىستى زاڭناما تالاپتارى ءجيى بۇزىلادى. بۇل تۋرالى اتىراۋ وبلىستىق پروكۋراتۋراسىنىڭ ءباسپاسوز قىزمەتى حابارلادى.
ماقات اۋداندىق پروكۋراتۋراسىمەن بىلتىر ەلىمىزدىڭ جەر زاڭنامالارىنىڭ ساقتالۋىنا قاتىستى 4 تەكسەرۋ جۇرگىزىلىپتى. ناتيجەسىندە 255 زاڭ بۇزۋشىلىق انىقتالىپ, نارازىلىقتاردىڭ قارالۋ ناتيجەسىمەن زاڭسىز قابىلدانعان 65 اكتىنىڭ كۇشى جويىلدى. زاڭ بۇزۋشىلىقتاردى جويۋ تۋرالى 5 ۇسىنىس ەنگىزىلىپ, 6 ادام تارتىپتىك جاۋاپكەرشىلىككە تارتىلعان. سونىڭ ىشىندە سىبايلاس جەمقورلىقپەن ۇشتاسقان قۇقىق بۇزۋشىلىق ارەكەت جاساعان 3 تۇلعا بار. ماسەلەن, دوسسور كەنتى اكىمىنىڭ شەشىمىمەن ەسكەنە تەمىر جول بەكەتىنەن تۇرعىن ءۇي قۇرىلىسى ءۇشىن زاڭسىز جەر تەلىمى بولىنگەن.
اۋداندىق پروكۋراتۋرانىڭ تالاپ ارىزدارى بويىنشا جالپى كاداسترلىق قۇنى 2 289 600 تەڭگە بولاتىن 12 جەر تەلىمى سوت شەشىمىمەن مەملەكەت مەنشىگىنە قايتارىلدى.
جولداسبەك شوپەعۇل.
دەرەك: اتىراۋ وبلىستىق پروكۋراتۋراسى.
سۋرەت: palata.kz.