ورالدىق ورەندەر مارەگە جەتتى

الەۋمەتتىك كوشباسشى تار­بيە­لەۋدى ماقسات ەتكەن بۇل جوبا وتكەن جىلدىڭ قاراشا ايىندا باس­تالىپ, ماۋسىمعا دەيىن سوزىلعان ەدى. ىرىكتەۋ تۋرلارىنا قاتىسۋعا 800-دەن استام ادام نيەت ءبىلدىرىپ, 500 ادام قاتىسقان. سونىڭ ىشىندە 200 ادام عانا ونلاين ءبىلىم بەرۋ پلاتفورماسىنا قول جەتكىزىپتى. بالالار كوشباسشىلىق جانە جوبالىق قىزمەتتەن كۋرس­تار­دان ءوتتى. تەوريالىق ءبولىم سو­ڭىن­داعى ىرىكتەۋدەن كەيىن 50 بالا جارتىلاي فينالعا شىققان. جاقىندا الماتى قالاسىندا, الاتاۋ باۋرايىندا وسى بالا­لار ءۇشىن 5 كۇندىك لاگەر-ترەنينگ ۇيىمداستىرىلدى. ناتيجەسىندە, قازىلار القاسى فينالعا شىققان 37 وقۋشىنى تاڭدادى. ونىڭ ىشىندە باتىس قازاقستان وبلىسىنان ءتورت وقۋشى – ايدار سارتاەۆ, نۇردانا ماحامبەت, ارۋجان سەكسەنباي, ابىلاي سەرىكقالي بار.

بالالار باتىس قازاق­ستان وبلى­­­سىنىڭ ءار مەكتەبىنەن جينال­عان. ايدار سارتاەۆ بايتەرەك اۋدا­نىنا قاراستى يانۆارتسەۆو اۋلى­نان كەلسە, نۇردانا ماحامبەت – ورال قالاسىنان. ال ارۋجان سەك­­سەن­باي اقساي قالاسىندا وقي­دى ەكەن.

ارۋجان جوبا بارىسىندا جا­رىق بەرۋدى جاقسارتۋ جانە شەكا­را­لاردى بەلگىلەۋ ءۇشىن «Vision Zero» تۇجىرىمداماسىنا سايكەس زەرت­تەۋ جۇرگىزىپ, ۇسىنىس دايىنداپتى. ول ءوز يدەياسىن شىنايى ومىردە جۇزەگە اسىرۋ ءۇشىن ءوزى تۇراتىن ءبورلى اۋدانىنىڭ اكىمى ەركەبۇلان يحسانوۆپەن جەكە ­كەزدەسكەن.

«اۋەلگىدە مەن, مەكتەپ وقۋ­شى­سى, ءوز يدەيامدى اۋدان اكى­مىنە دۇرىس جەتكىزە الامىن با دەپ ۋايىم­دادىم. بىراق ءبارى جاق­سى ءوتتى. ءوزىم قاتىسىپ جۇر­گەن جوبا اياسىندا ۇيرەنگەن كوم­مۋ­ني­كا­تيۆ­تىك داعدىلاردىڭ ارقاسىندا ءسوزىم سەنىمدى شىقتى, ءوز يدەيالارىم­دى جەتكىزە الدىم, – دەيدى ارۋجان.

جوبانىڭ سوڭعى كەزەڭى استانا قالاسىندا وتەدى. مۇندا ۇزدىك شىق­قان 6 جەڭىمپازعا سىي­لىق رە­تىندە شەتەلدىك ءبىلىم ساپارىنا جولداما, دايىندىق كۋرس­­تارىنىڭ گرانتتارى جانە كومپيۋتەر بەرىلمەك. سونداي-اق ۇزدىكتەر الماتىداعى يننو­ۆاتسيالىق ۋنيۆەرسيتەتتىڭ ستۋ­دەنتى اتانباق.

باتىس قازاقستان وبلىسى