باس امان, مال-م ۇلىك تۇگەلدەنسە...

ارينە, قاپيادا قيىن جاعدايعا تاپ بولعان اۋىل تۇرعىندارىمەن مەم­لەكەت باسشىسى قاسىم-جومارت توقاەۆ ءوزى ارنايى كەلىپ جولى­عىپ, مەملەكەت تاراپىنان بارلىق كومەك جاسالاتىنىن ايت­قان بولاتىن. قازىر اۋىلدا 90 ءۇي­دىڭ قۇرىلىسى باستالىپ كەتتى. شى­عىن بولعان مالعا وتەماقى تولە­نىپ, م ۇلىكتىڭ دە ورنى تولىپ جاتىر.

بۇدان بولەك, اۋىل تۇرعىندارى ەلىمىزدىڭ تۇكپىر-تۇكپىرىنەن كەلگەن گۋمانيتارلىق كومەك «تاسقىنىنىڭ» استىندا قالدى. مۇنىڭ ءوزى ەلدىڭ ەڭسەسىن تىكتەپ, كوڭىلىن كوتەرگەن ەلدىك ءىس-شارا بولعانى راس. وسىنداي قولداۋ ءالى كۇنگە جالعاسىپ جاتىر.

جاقىندا قاراتوبە اۋدانىنىڭ اققوزى اۋىلدىق وكرۋگىنە قازتا­لوۆ اۋدانىنان ارنايى كومەك جەتتى. قازتالوۆ اۋدانى اكىمىنىڭ ورىنباسارى راشيت يمانعاليەۆ باستاعان دەلەگاتسيا اققوزى تۇرعىندارىنا 23 باس ءىرى قارا, 46 قوي مەن ەشكى, 5 باس جىلقى مالىن تابىس ەتتى. اۋدان تۇرعىندارىنىڭ يگى باستاماسىنا اققوزىلىق اعايىن ەرەكشە ريزا بولدى.

«بيىل سۋ تاسىپ, اۋىلىمىز قيىن جاعدايعا تاپ بولدى. مۇنداي تاسقىندى ءبىرىنشى رەت كوردىك. بۇرىن سۋ كەلگەنىمەن, اۋىلدىڭ شەتىن اينالىپ قانا وتەتىن. ال بيىلعى تاسقىن قاتتى بولدى. اۋىل ازاماتتارى بارلىق تۇرعىندى مەكتەپكە كوشىرىپ, ادام شىعىنى بولمادى. دەگەنمەن ۇساق مال, كەي تۇرعىنداردىڭ ءىرى قارا مالى سۋعا كەتتى. بۇگىندە ونىڭ دا ورنى تولىپ جاتىر. كومەك قولىن سوزىپ, قولداۋ كورسەتكەنىڭىزگە اۋىل حالقى اتىنان راحمەت ايتامىز», دەيدى اۋىل تۇرعىنى, كوپبالالى انا اسىلتاس ماقۇلوۆا.

قازتالوۆ اۋدانىنان جەتكەن جىلۋ نەگىزىنەن اۋداننىڭ شارۋا قوجالىقتارىنان جينالعان. جومارت جاندار ەندى سۋ تاسقىنى كەزىندە ءتورت ت ۇلىك مالى شىعىن بولعان وزگە اۋداندارعا دا كومەك­تەسپەك نيەتتە ەكەن.

سونىمەن قاتار بيىلعى الاپات سۋ تاسقىنىندا ورال قالاسىنىڭ ماڭىندا 9 مىڭداي ساياجاي ءۇيى سۋ استىندا قالعان بولاتىن. ۇكىمەتتىڭ شەشىمىمەن تابيعات اپاتى سالدارىنان جالعىز باسپاناسى جارامسىز دەپ تانىلعان وتباسىلارعا ءۇي بەرىلە باستادى.

مىنە, جاقىندا ورال قالا­سىندا 52 ساياجاي تۇرعىنى باس­پا­نالى بولدى. اكىمدىك حابار­لا­عانداي, جاڭا پاتەرلەر دەمەۋ­شى­لەر قارجىسىنا الىنعان. ۇكىمەت باس­شى­سىنىڭ تاپسىرماسىنا سايكەس, قارجىلىق ۇيىمدار مەن دەمەۋشىلەر وڭىردەگى زارداپ شەككەن تۇرعىندارعا قول ۇشىن سوزىپ, كومەگىن بەرىپ جاتىر.

«جۇبايىمىز ەكەۋمىز 2-سايا­جاي ۋچاسكەسىندە تۇردىق. سۋ تاس­قى­نى كەزىندە جالعىز ءۇيىمىز سۋعا كەتتى. مەملەكەت ءبىزدى دالادا قال­دىرمادى. بۇگىن, مىنە, جاڭا پاتەرگە قونىستانىپ وتىرمىز. پرەزي­دەنتىمىزگە راحمەت», دەيدى ەكى اي بۇرىن ساياجايداعى جال­عىز باسپا­ناسىن سۋ العان ريزابەك ايتقاليەۆ.

جاڭا قونىس يەلەرىنىڭ ءبىرى ريتا ەرا­ليەۆانىڭ دا قۋانىشىندا شەك جوق.

«قيىن كۇندەر ارتتا قالدى. جاق­­­سىلىقتان ءۇمىتىمىزدى ۇزبە­دىك. مەم­­لەكەت تاراپىنان جاسال­عان قول­­­­داۋ بىزگە دەمەۋ بولدى», دەيدى ول.

«ورال قالاسىندا ساياجاي اۋما­­عىنداعى جالعىز باسپاناسى سۋ­عا كەتىپ, اپاتتى دەپ تانىلعان تۇر­عىن­دارعا جاڭا ۇيلەر ساتىپ الۋ جانە سالۋ بويىنشا جۇمىس الداعى ۋاقىتتا دا جۇرگىزىلەدى», دەيدى وبلىس اكىمىنىڭ ءباسپاسوز حاتشىسى ەرحان تاتكەن.

ايتا كەتەيىك, بيىلعى تاسقىن كەزىندە 8 732 ساياجاي ءۇيى سۋ استىندا قالدى. ونىڭ 2 579-ى – «جالعىز باسپانا» دەپ تانىلعان بولاتىن.

باتىس قازاقستان وبلىسى