اقتاۋ. 16 قاڭتار. ماڭعىستاۋ وبلىسىنىڭ مۇنايلى اۋدانى اۋماعىندا ورنالاسقان «ەكوتەحنيكس» جاۋاپكەرشىلىگى شەكتەۋلى سەرىكتەستىگىندە ءورت ورىن الدى. بۇل تۋرالى egemen.kz ءتىلشىسى حابارلادى.
ماڭعىستاۋ وبلىستىق توتەنجە جاعدايلار دەپارتامەنتىنە ءورت تۋرالى حابار 14 قاڭتاردا جەرگىلىكتى ۋاقىتپەن 12 ساعات 20 مينۋتتا تۇسكەن. ارادا 17 مينۋت وتكەندە دابىل تۇسكەن ورىنعا جەتكەن ءورت سوندىرۋشىلەر قالىڭ ءتۇتىن مەن مەكەمەنىڭ مۇناي قالدىقتارىن جينايتىن بولىگىنەن اشىق جالىندى كورەدى. اقتاۋ قالاسىنان شىعىسقا قاراي 28 شاقىرىم قاشىقتىقتا 3 گا. جەرگە ورنالاسقان اتالمىش سەرىكتەستىكتە ارقايسىسى 2 سەكتوردان تۇراتىن 11 بولىك بولسا, ءورت ناتيجەسىندە 200 شارشى مەتر جەردى ءورت شالعان. سونداي-اق, «جۇبانترانسسەرۆيس» جشس-نە قاراستى مۇناي تاسىمالدايتىن «كاماز» اۆتوكولىگى تولىقتاي جانىپ كەتكەن. زارداپ شەگۋشى جوق, ال ءتيىستى ورىنداردىڭ مالىمەتىنشە اۆتوكولىك جۇرگىزۋشىسى ءورت مۇناي قالدىقتارىن توگۋ كەزىندە تۇتانعاندىعىن ايتقان. ءورتى اۋىزدىقتاۋعا 4 تەحنيكا مەن 14 ادام جۇمىلدىرىلىپ, جەرگىلىكتى ۋاقىتپەن ساعات 6-دا تولىقتاي سوندىرىلگەن. ونىڭ شىعۋ سەبەبى مەن شىعىنىن انىقتاۋمەن ماڭعىستاۋ وبلىستىق تجد مەن ءىىد اينالىسۋدا.
گۇلايىم شىنتەمىرقىزى.
دەرەك, سۋرەت: egemen.kz.